Visit:
Madhapur : మాధాపూర్లోని ఓయో రూమ్లో అనుమానాస్పద స్థితిలో మృతి చెందిన యువతి షారన్ నిఖిత కేసులో సంచలన విషయాలు వెలుగులోకి వచ్చాయి. ప్రియుడు రవితేజతో వచ్చిన నిఖిత అనూహ్యంగా మరణించడంపై సందేహాలు వ్యక్తమైనందున విచారణ చేపట్టగా.. ఓయో రూమ్లో పగిలినబీర్, విస్కీ బాటిల్స్ గుర్తించారు పోలీసులు. అంతేకాదు బెడ్తో పాటు గది గోడలపై రక్తపు మరకలు ఉన్నాయి. మృతురాలు షారన్ నిఖిత ముఖం, శరీరంపైనే కాకుండా, తల వెనుక కూడా తీవ్ర గాయాలు ఉన్నట్టు పోలీసులు గుర్తించారు.
సోమవారం మధ్యాహ్నం 1:48 గంటలకు నిఖిత ఓయో హోటల్కు వచ్చింది. కొద్దిసేపటి తర్వాత ఆమె ప్రియుడు శ్రీనివాస రవితేజ హోటల్కు వచ్చాడు. అయితే.. అర్ధరాత్రి నిఖిత స్పృహ కోల్పోయిందంటూ రవితేజ తన వద్దకు వచ్చాడని హోటల్ సూపర్వైజర్ పోలీసులకు తెలిపాడు. అప్పుడు అంబులెన్స్లో ఆమెను తీసుకెళ్దామని సూచించగా.. రవితేత వద్దు, బైక్ చాలని నిఖితను ఆసుపత్రికి తీసుకెళ్లాడని అతడు చెప్పాడు. కానీ, ఆస్పత్రికి వెళ్లాక నిఖిత మృతి చెందిందని డాక్టర్లు చెప్పడంతో, అక్కడి నుంచి రవితేజ పరారయ్యాడు. ఇద్దరి మధ్య మూడేళ్ల వయసు వ్యత్యాసం ఉందని, అబ్బాయి కంటే అమ్మాయే పెద్దదని పోలీసులు గుర్తించారు. కేసు నమోదు చేసిన పోలీసులు ప్రస్తుతం పరారీలో ఉన్న రవితేజ కోసం గాలిస్తున్నారు.
