Ambulance | అంబులెన్స్‌పై విరిగిపడిన భారీ వృక్షం.. నాంపల్లిలో ఘటన

పార్క్‌ చేసిన అంబులెన్స్‌పై భారీ వృక్షం విరిగిపడటంతో అంబులెన్స్‌ తీవ్రంగా దెబ్బంది. ఈ సంఘటన మంగళవారం అర్ధరాత్రి నాంపల్లిలోని నీలోఫర్ హాస్పిటల్‌ సమీపంలో చోటు చేసుకుంది.

హైదరాబాద్‌ : పార్క్‌ చేసిన అంబులెన్స్‌పై భారీ వృక్షం విరిగిపడటంతో అంబులెన్స్‌ తీవ్రంగా దెబ్బంది. ఈ సంఘటన మంగళవారం అర్ధరాత్రి నాంపల్లిలోని నీలోఫర్ హాస్పిటల్‌ సమీపంలో చోటు చేసుకుంది. అదృ ష్టవశాత్తూ ఆ సమయంలో అంబులెన్స్‌లో ఎవరూ లేకపోవడంతో ఎటువంటి గాయాలు గానీ, ప్రాణనష్టం గానీ సంభవించలేదు.

సమాచారం అందుకున్న పోలీసులు, జీహెచ్‌ఎంసీ వర్షాకాల అత్యవసర బృందం సిబ్బంది ఘటనా స్థలానికి చేరుకున్నారు. భారీ యంత్రాలను ఉపయోగించి కూలిపోయిన చెట్టును తొలగించారు. ట్రాఫిక్‌ను క్లియర్ చేసి వాహనాల రాకపోకలను పునరుద్ధరించారు. భారీ వర్షాలు, బలమైన గాలుల సమయంలో అప్రమత్తంగా ఉండాలని అధికారులు సూచించారు.