Visit:
సిటీబ్యూరో, ఆగస్టు 7 (నమస్తే తెలంగాణ) : అంబర్పేట్ బోనాల సందర్భంగా ఆది, సోమవారం ఆర్టీసీ బస్సులు 113ఎం, 113కే/ఎల్ను అంబర్పేట ఫ్లైఓవర్ మీదుగా నడుపుతున్నట్టు గ్రేటర్ ఆర్టీసీ అధికారులు శుక్రవారం ఒక ప్రకటనలో తెలిపారు. 107వీ బస్సులను జిందా తిలిస్మత్-ముసారాంబాగ్ మార్గంలో నడుపుతున్నట్టు పేర్కొన్నారు. 115 రూట్ బస్సులు అంబర్పేట పోలీస్ లైన్స్-రామంతాపూర్ మార్గం మీదుగా నడుస్తాయని వివరించారు. భక్తులకు ఎలాంటి ఇబ్బందులు లేకుండా ప్రత్యేక బస్సులను నడుపుతున్నట్టు తెలిపారు. బస్సుల రాకపోకలపై జేబీఎస్లో కమ్యూనికేషన్ సెంటర్ను ఏర్పాటు చేసినట్టు తెలిపారు. బస్సుల సమాచారం కోసం 9959226160 నంబర్ను సంప్రదించొచ్చని వివరించారు.
