ప్రపంచ టాప్ శాస్త్రవేత్తల లిస్టులో డాక్టర్ పత్తిపాటి ఉషారాణి
ప్రపంచంలోని అగ్రగామి శాస్త్రవేత్తల జాబితాలో సీఎస్ఐఆర్-ఇండియన్ ఇన్ స్టిట్యూట్ ఆఫ్ కెమికల్ టెక్నాలజీ (ఐఐసీటీ), హైదరాబాద్ విశ్రాంత శాస్త్రవేత్త డాక్టర్ పత్తిపాటి ఉషారాణి చోటు సంపాదించారు.
- కీటకశాస్త్ర విభాగంలో ప్రపంచవ్యాప్తంగా 341వ ర్యాంక్
- ఐఐసిటీ విశ్రాంత శాస్త్రవేత్తకు దకిన అంతర్జాతీయ గౌరవం
- స్టాన్ ఫోర్డ్ – ఎల్సెవియర్ జాబితా ఆధారంగా టాప్ సైనెట్ ప్రకటన
సిటీబ్యూరో, అక్టోబర్ 18 (నమస్తే తెలంగాణ ): ప్రపంచంలోని అగ్రగామి శాస్త్రవేత్తల జాబితాలో సీఎస్ఐఆర్-ఇండియన్ ఇన్ స్టిట్యూట్ ఆఫ్ కెమికల్ టెక్నాలజీ (ఐఐసీటీ), హైదరాబాద్ విశ్రాంత శాస్త్రవేత్త డాక్టర్ పత్తిపాటి ఉషారాణి చోటు సంపాదించారు. 2026 సంవత్సరానికి గానూ అంతర్జాతీయంగా పేరుపొందిన ‘టాప్ సైనెట్’ ప్రచురించిన ప్రపంచ టాప్ 2% శాస్త్రవేత్తల సింగిల్-ఇయర్ ర్యాంకింగ్లో ఆమె ఈ అరుదైన గుర్తింపును సొంతం చేసుకున్నారు. కీటకశాస్త్రం ఉపవిభాగంలో అంతర్జాతీయ స్థాయిలో ఆమె 341వ ర్యాంకును సాధించి దేశానికీ, విభాగానికీ పేరుప్రతిష్ఠలు తెచ్చారు. అమెరికాలోని ప్రముఖ స్టాన్ ఫోర్డ్ విశ్వవిద్యాలయం, ఎల్సెవియర్ సంస్థ సంయుక్తంగా సేకరించిన ప్రామాణిక నివేదికల ప్రాతిపదికన ఈ ర్యాంకింగ్ను రూపొందించారు.
పరిశోధనా రంగంలో సుదీర్ఘ ప్రస్థానం
డాక్టర్ ఉషారాణి జీవశాస్త్ర రంగంలో, ముఖ్యంగా కీటకశాస్త్ర విభాగంలో సుదీర్ఘకాలం పాటు సేవలందించారు. రసాయన పర్యావరణ శాస్త్రం జీవ ఆధారిత పురుగు మందులు , నానోబయోటెక్నాలజీ విభాగాల్లో ఆమె వినూత్న పరిశోధనలు నిర్వహించారు. పర్యావరణానికి హాని కలిగించని, సుస్థిరమైన చీడపీడల నివారణ పద్ధతులను కనుగొనడంలో ఆమె కీలక పాత్ర పోషించారు.
కీటకాల ప్రవర్తన, వాటి నియంత్రణపై సాధించిన విజయాలకు గానూ గతంలోనూ ఆమె అనేక జాతీయ, అంతర్జాతీయ పురసారాలను అందుకున్నారు. తన శాస్త్రీయ ప్రయాణంలో జాతీయ, అంతర్జాతీయ స్థాయి జర్నల్స్లో 130 పరిశోధనా వ్యాసాలు, 17 పుస్తక అధ్యాయాలను ప్రచురించిన డాక్టర్ ఉషారాణి, దాదాపు 10 మంది పీహెచ్ డీ పరిశోధకులకు మార్గదర్శకత్వం (గైడ్ ) వహించి నూతన శాస్త్రవేత్తల తయారీకి విశేష కృషి చేశారు.
Read Today's Latest Hyderabad News in Telugu and Telugu News
RELATED ARTICLES
తాజా వార్తలు
Sarpanch Elections: సర్పంచ్ ఎన్నికల్లో హింస.. పోల్ సిబ్బందిపై దాడి, మెజిస్ట్రేట్ కారు దగ్ధం
418 Movie | ఓటీటీలోకి ప్రశాంత్ నీల్ హారర్ థ్రిల్లర్ ‘418’.. స్ట్రీమింగ్ ఎప్పుడంటే!
Robert Pattinson | కొత్త జేమ్స్ బాండ్గా రాబర్ట్ పాటిన్సన్.. అధికారికంగా ప్రకటించిన అమెజాన్ ఎంజీఎం స్టూడియోస్
PM Modi: మనీలాలో గురుద్వార ఖల్సాను సందర్శించిన ప్రధాని మోదీ
OM | ఓం ప్రీ రిలీజ్ ఈవెంట్లో సాయి పల్లవి, శ్రీలీల స్పెషల్ డ్యాన్స్.. మమ్ముట్టి ప్రశంసలు,ధనుష్ ఆసక్తికర వ్యాఖ్యలు!
ట్రెండింగ్ వార్తలు
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా
Watch: వేగంగా వస్తున్న కారు నుంచి తప్పించుకునేందుకు మహిళ యత్నం.. ఆ తర్వాత ఏం జరిగిందంటే?
Odisha teacher 14 days in ditch | కొండచరియలు విరుగడంతో గుంతలో చిక్కుకున్న టీచర్.. 14 రోజుల తర్వాత గుర్తించిన కాపరి
Watch: బైకులతో సింహాన్ని అడ్డుకున్న అటవీ శాఖ సిబ్బంది.. తర్వాత ఏం జరిగిందంటే?
Snowfall | ద్రాస్ సెక్టార్లో మంచు అందాల కనువిందు.. Video

