వివాహితపై సామూహిక లైంగిక దాడి
వివాహితపై ముగ్గురు సామూహిక లైంగిక దాడికి పాల్పడ్డ ఘటన కాంచన్‌బాగ్‌ పోలీస్‌ స్టేషన్‌ పరిధిలో జరిగింది. ఇన్‌స్పెక్టర్‌ బాలరాజు వివరాల ప్రకారం.. బంగ్లాదేశ్‌కు చెందిన ఫయాజ్‌కు మయన్మార్‌కు చెందిన మహిళతో కొంత కాలం క్రితం వివాహమైంది. ఫయాజ్‌ దంపతులు కాంచన్‌బాగ్‌ పోలీస్‌ స్టేషన్‌ పరిధిలోని రోషన్‌ దౌలా ప్రాంతంలోని డైమండ్‌ హోటల్‌ సమీపంలో నివాసముంటున్నారు.
- ముగ్గురిని అరెస్ట్‌ చేసిన పోలీసులు
సైదాబాద్‌, అక్టోబర్‌ 27 : వివాహితపై ముగ్గురు సామూహిక లైంగిక దాడికి పాల్పడ్డ ఘటన కాంచన్‌బాగ్‌ పోలీస్‌ స్టేషన్‌ పరిధిలో జరిగింది. ఇన్‌స్పెక్టర్‌ బాలరాజు వివరాల ప్రకారం.. బంగ్లాదేశ్‌కు చెందిన ఫయాజ్‌కు మయన్మార్‌కు చెందిన మహిళతో కొంత కాలం క్రితం వివాహమైంది. ఫయాజ్‌ దంపతులు కాంచన్‌బాగ్‌ పోలీస్‌ స్టేషన్‌ పరిధిలోని రోషన్‌ దౌలా ప్రాంతంలోని డైమండ్‌ హోటల్‌ సమీపంలో నివాసముంటున్నారు. ఫయాజ్‌ స్నేహితులు మయన్మార్‌కు చెందిన కమల్‌, ముజీబ్‌ , రెహ్మన్‌ అలియాస్‌ ఇబ్రహీం అదే ప్రాంతంలో నివాసముంటున్నారు. కాగా ఇంటి వద్ద ఫయాజ్‌ భార్య ఒంటరిగా ఉన్న సమయంలో ముగ్గురు వ్యక్తులు చొరబడి సామూహిక లైంగిక దాడికి పాల్పడినట్లు బాధితురాలు తమ సమీప బంధువుతో చెప్పింది.
బాధితురాలితో కలిసి వారు కాంచన్‌బాగ్‌ పోలీసులను ఆశ్రయించి ఫిర్యాదు చేశారు. దీంతో పోలీసులు బాధితురాలిని భరోసా సెంటర్‌కు తరలించి విచారించి వివరాలను సేకరించారు. బాధితురాలిపై లైంగిక దాడి జరిగినప్పటి నుంచి భర్త ఫయాజ్‌ పరారీలో ఉండటంతో పోలీసులకు అనుమానం రావడంతో అతడి ఆచూకీ కోసం గాలింపు చేపట్టారు. నిందితులను మంగళవారం అరెస్ట్‌ చేసినట్లు ఇన్‌స్పెక్టర్‌ బాలరాజు తెలిపారు.
Read Today's Latest Hyderabad News in Telugu and Telugu News
- Follow Us :
-
