నేర్పుతో ఓటెయ్యి…!

ఓటు వేయవలెను ఓర్పుతో నేర్పుతో నోటు తీసుకొనుట చేటు దెచ్చు మంచివారికెయ్యి మనుగడ హెచ్చును ప్రగతి ఫలము లందు పదిలముగను!

ఓటు వేయవలెను ఓర్పుతో నేర్పుతో
నోటు తీసుకొనుట చేటు దెచ్చు
మంచివారికెయ్యి మనుగడ హెచ్చును
ప్రగతి ఫలము లందు పదిలముగను!

రాష్ట్ర ప్రగతి కోరి రాజిల చేసెడి
నీతివంతుల కిడు నీదు ఓటు
మందుతిండి కిలను మచ్చికై మునగకు
ఓటు యనగ నీదు ఓర్చు ప్రాణి!

వేదికందు చెప్పు వెర్రికూతలు వీడు
వజ్రసమము ఓటు వనరు నీకు
పాటి తప్పనట్టి పరగ నాయకునికి
వెనుక ముందు చూసి వెయ్యవయ్య!

ఎత్తు జిత్తులనిల యెన్నియో జెప్పియు
మాయలెన్నో జేసి మచ్చిక విని
నమ్మిమోసపోయి నయమున ఓటును
వేయవద్దు సుమ్మి వేగిరమున!

ప్రజల హితము గోరు పార్టికే నీ ఓటు
నోట్లకివ్వ వద్దు ఓట్లనెపుడు
ఆత్మగౌరవాన ఆత్మీయతను మీర
పనులు సల్పునట్టి పార్టి కిడుము!!

– డాక్టర్‌ గన్నోజు శ్రీనివాసాచారి
85558 99493