చెట్లుండాలి.. పక్షులుండాలి
నేల పచ్చదనమై పురివిప్పాలి
ఆకాశంలో నక్షత్రాల్లా పక్షులు
గుంపులు గుంపులై వాలాలి
వట్టిపోతున్న మట్ట మీద
మామిడి, యాప, మర్రి,
రావి నేరడునో నాటు…
హరితహారానికి సాళ్లు పోసి
కాలచక్రానికి ఊపిరిపోయి
చెట్లే మన బిడ్డలు..
పక్షులే మన సుట్ట బలగాలు
హరిత హారమే
భూగోళానికి ఆకుపచ్చ సౌందర్యం!
మొక్కనాటని
మనిషిని మనువాడనని
చెట్టులేనింటితో సుట్టరికమే చేయనని
వంటకు, ఇంటికి
చెట్లను నరుకనని ప్రతిజ్ఞలు పూనుదాం
నేటి పిల్లలే రేపటి పౌరులు
నేటి మొక్కలే రేపటి మహా వృక్షాలు
మనిషే మొక్కై మొలవాలి
మనిషే దేశమై నిలవాలి
దేశమే హరిత నిధై వెలుగాలి
జాతికి గుండె చెట్టు!!
చెట్టే… జాతీయ జెండా
చెట్టే… కాగితం కలం
చెట్టే…కాలుష్యం తల నరికే వజ్రాయుధం!
చెట్టే జాతీయ గేయమై
చెట్టే బుద్ధుడై.. చెట్టే చరిత్రలో
నిలిచే అశోకునిలా
కలకాలం హరితంగా వెలుగుదాం!
వనపట్ల సుబ్బయ్య:94927 65358