వజ్రాల వ్యాపారి ఇంట్లో చోరీ : రూ. 40 లక్షల విలువైన వజ్రాలు అపహరణ

వజ్రాల వ్యాపారి ఇంట్లో చోరీ | నాగోల్‌ డివిజన్‌ మధురానగర్‌లోని ఓ వజ్రాల వ్యాపారి ఇంట్లో చోరీ జరిగింది. దాదాపు రూ. 40 లక్షల విలువైన వజ్రాలను, జాతిరత్నాలను దొంగలు అపహరించా రు.

హైదరాబాద్‌ : నాగోల్‌ డివిజన్‌ మధురానగర్‌లోని ఓ వజ్రాల వ్యాపారి ఇంట్లో చోరీ జరిగింది. దాదాపు రూ. 40 లక్షల విలువైన వజ్రాలను, జాతిరత్నాలను దొంగలు అపహరించారని శుక్రవారం బాధితుడు ఎల్బీనగర్‌ పోలీసులకు ఫిర్యాదు చేశాడు. రంగంలోకి దిగిన పోలీసులు, క్లూస్‌ టీం అన్ని ఆధారాలు సేకరించి ఈ నెల 15న చోరీ జరిగినట్లు గుర్తించారు. మధురానగర్‌కు చెందిన మురళీకృష్ణ అనే వ్యక్తి నగరంలో 3 చోట్ల వజ్రాలు, జాతిరత్నాల విక్రయ దుకాణాలు నిర్వహిస్తున్నాడు. ఈ నెల 10న ముంబై నుంచి రూ. 1.2 కోట్ల విలువైన వజ్రాలు, జాతిరత్రాలు తీసుకువచ్చినట్లు మురళీకృష్ణ పోలీసులకు ఇచ్చి ఫిర్యాదులో పేర్కొన్నాడు. చోరీకి పాల్పడినది ఎవరన్న దానిపై పోలీసులు దర్యాప్తు జరుపుతున్నారు. పలువురు అనుమానితులను అదుపులోకి తీసుకొని విచారిస్తున్నట్లు సమాచారం.