Missing | మెడిక‌ల్ షాపుకు వెళ్లిన‌ మహిళ అదృశ్యం

కొండాపూర్‌ : మెడికల్‌ షాపుకు వెళ్తున్నానని చెప్పి ఇంట్లో నుంచి వెళ్ళిన గృహిణి అదృశ్య‌మైన సంఘటన చందానగర్‌ పోలీసు స్టేషన్‌ పరిధిలో చోటు చేసుకుంది. పోలీసులు తెలిపిన వివరాల ప్రకారం… ఒడిస్సాకు చెందిన మహేంద్ర కుమార్‌ బెహరాకు భార్య కడంబారి బెహరా (30), ఇద్దరు పిల్లలు ఉన్నారు.

కాగా మహేంద్ర కుమార్‌ గత కొంతకాలంగా అపర్ణ జెనిత్‌ లేబర్‌ కాలనీలో నివాసం ఉంటున్నాడు. భార్య‌ కబంబారి బెహరా స్థానికంగా ఇండ్లల్లో పని చేస్తుంది. ఇదే క్రమంలో గత డిసెంబర్ 11న ఇంట్లో నుంచి మెడికల్‌ షాపుకు వెళ్తున్నట్లు చెప్పి వెళ్ళింది. ఎంతకీ తిరిగి రాకపోవడంతో తెలిసిన వారిని, బంధువులను ఆరా తీయగా ఎలాంటి సమాచారం లేకపోవడంతో పోలీసులను ఆశ్రయించినట్లు తెలిపారు.

కాగా కడంబారి బెహరా తనతో కలిసి పనిచేసే అభినందన్‌ బర్మన్‌తో కలిసి వెళ్ళినట్లు మహేంద్ర కుమార్‌ ఇచ్చిన ఫిర్యాదు మేరకు కేసు నమోదు చేసుకుని దర్యాప్తు చేస్తున్నట్లు చందానగర్‌ పోలీసులు తెలిపారు.