ఫోన్‌లో గంట‌ల త‌ర‌బ‌డి చాటింగ్ : క‌న్న‌కూతురిని క‌డ‌తేర్చిన తండ్రి

గంట‌ల త‌ర‌బ‌డి మొబైల్ ఫోన‌లో చాటింగ్ చేస్తున్న కూతురిని ప‌లుసార్లు మంద‌లించినా విన‌క‌పోవ‌డంతో ఆగ్ర‌హానికి లోనైన తండ్రి క‌న్న‌కూతురిని క‌డ‌తేర్చిన ఉదంతం హ‌ర్యానాలోని సోనిప‌ట్ జిల్లాలో వెలుగుచూసింది.

చండీఘ‌ఢ్ : గంట‌ల త‌ర‌బ‌డి మొబైల్ ఫోన‌లో చాటింగ్ చేస్తున్న కూతురిని ప‌లుసార్లు మంద‌లించినా విన‌క‌పోవ‌డంతో ఆగ్ర‌హానికి లోనైన తండ్రి క‌న్న‌కూతురిని క‌డ‌తేర్చిన ఉదంతం హ‌ర్యానాలోని సోనిప‌ట్ జిల్లాలో వెలుగుచూసింది. బాలిక తండ్రి మ‌హ్మ‌ద్ నూర్‌ను అరెస్ట్ చేసిన పోలీసులు ఆయ‌న‌పై హ‌త్య కేసు న‌మోదు చేశారు.

బాలిక గంట‌ల త‌ర‌బ‌డి మొబైల్ ఫోన్‌లో మునిగిపోతూ చాటింగ్ చేస్తుండ‌టంతో నిందితుడు ప‌లుమార్లు ఆమెను వారించాడు. కూతురి ప్ర‌వ‌ర్త‌న‌పై విసుగు చెందిన నూర్ ఆమెను ఊపిరి ఆడ‌కుండా చేసి హ‌త్య చేశాడని సోనిప‌ట్ ఏఎస్‌పీ దీప్తి గార్గ్ తెలిపారు. భ‌దానా గ్రామంలో బాలిక మృతి చెందింద‌ని త‌మ‌కు స‌మాచారం రాగా ఘ‌ట‌నా స్ధ‌లానికి వెళ్లామ‌ని మెట్ల‌పై నుంచి ప‌డ‌టంతో బాలిక మ‌ర‌ణించింద‌ని కుటుంబ స‌భ్యులు న‌మ్మ‌బ‌లికార‌ని చెప్పారు.

బాలిక‌ను ఊపిరిఆడ‌కుండా చేయ‌డంతో మ‌ర‌ణించింద‌ని ప్రాధ‌మిక ద‌ర్యాప్తులో వెల్ల‌డైంద‌ని దీప్తి గార్గ్ వెల్ల‌డించారు. బాలిక ప్ర‌వ‌ర్త‌న‌తో విసుగు చెంది తాను క‌న్న‌కూతురిని క‌డ‌తేర్చాన‌ని ద‌ర్యాప్తులో నిందితుడు నూర్ తెలిపాడ‌ని చెప్పారు.