తిరువనంతపురం : తనతో పాటు పనిచేసే మహిళా కార్యకర్త నగ్న వీడియోను ఆన్లైన్లో వ్యాప్తి చేసిన సీపీఎం సభ్యుడు ఎలిమన్నిల్ సజి (39)ని కేరళ పోలీసులు అరెస్ట్ చేశారు. ఈ ఘటనకు సంంబంధించి ఐటీ చట్టం కింద సజీతో పాటు 12 మంది నిందితులపై పోలీసులు కేసు నమోదు చేశారు.
పోలీసులు తెలిపిన వివరాల ప్రకారం తిరువల్ల సీపీఎం శాక కార్యదర్శి సీసీ సజిమోన్, డీవైఎఫ్ఐ నేత నాజర్ మహిళను మభ్యపెట్టి నగ్న వీడియోలు తీశారు. ఈ ఏడాది మేలో ఘటన జరగ్గా ఆపై ఈ వీడియోను సోషల్ మీడియాలో షేర్ చేశారు. ప్రధాన నిందితులిద్దరూ మహిళను కారులో తీసుకువెళ్లి నేరానికి పాల్పడ్డారు.
బాధితురాలికి మత్తుమందు కలిపిన కూల్ డ్రింక్స్ ఇచ్చి ఆమెను లైంగికంగా వేధించడంతో పాటు నగ్న వీడియోలను చిత్రీకరించారు. తమకు రూ 2 లక్షలు ఇవ్వాలని లేకుంటే అభ్యంతరకర వీడియోను సోషల్ మీడియాలో పోస్ట్ చేస్తామని హెచ్చరించారు. సజి మినహా ఈ కేసులో మిగిలిన నిందితులందరూ పరారీలోఉన్నారని వారిని పట్టుకునేందుకు ప్రయత్నిస్తున్నామని పోలీసులు తెలిపారు.