Ikshu Movie : యూత్‌ఫుల్‌ ఎంటర్‌టైనర్‌

రామ్‌ అగ్నివేశ్‌, రాజీవ్‌కనకాల, కాలకేయ ప్రభాకర్‌ ప్రధాన పాత్రల్లో నటిస్తున్న చిత్రం ‘ఇక్షు’. ఋషిక దర్శకత్వం వహిస్తున్నారు. హనుమంతరావునాయుడు, గౌతమ్‌నాయుడు నిర్మిస్తున్నారు. ఐదు భాషల్లో ఈ సినిమాను విడుదలచేయబోతున్నారు. హీరో రామ్‌ అగ్నివేష్‌ పుట్టినరోజు సందర్భంగా ఫస్ట్‌లుక్‌ను విడుదలచేశారు. దర్శకుడు మాట్లాడుతూ ‘యూత్‌ఫుల్‌ లవ్‌ ఎంటర్‌టైనర్‌గా తెరకెక్కిస్తున్నాం. యువతరం మనస్తత్వాలకు దర్పణంలా ఉంటుంది. రామ్‌ అగ్నివేశ్‌కు ఇదే తొలి సినిమా అయినా అనుభవజ్ఞుడిలా నటిస్తున్నారు. త్వరలో ఈ సినిమాను విడుదల చేస్తాం’ అని తెలిపారు.