Suhas | ఒత్తిడిని ఆనందంగా స్వీకరిస్తా

‘హీరో కావాలని ఎప్పుడూ అనుకోలేదు. మంచి క్యారెక్టర్ ఆర్టిస్ట్గా పేరు వస్తే చాలనుకున్నా. ‘కలర్ఫొటో’ సినిమా నా జీవితాన్ని మార్చింది’ అని అన్నారు సుహాస్. సహాయనటుడిగా కెరీర్ను ఆరంభించిన ఆయన ‘కలర్ఫొటో’ చిత్రంతో హీరోగా చక్కటిగుర్తింపును సొంతం చేసుకున్నారు. నేడు ఆయన జన్మదినం. ఈ సందర్భంగా సుహాస్ బుధవారం హైదరాబాద్లో పాత్రికేయులతో ముచ్చటిస్తూ ‘కెరీర్ పరంగా నాని, విజయ్దేవరకొండ, సమంతతో పాటు నేను పనిచేసిన దర్శకులందరూ సలహాలిస్తుంటారు. మంచి కథల్ని ఎంచుకోమని చెబుతుంటారు. క్యారెక్టర్ ఆర్టిస్ట్గా సీన్ పూర్తిచేయడం వరకే నా బాధ్యత ఉంటుంది. ఆ తర్వాత రిలాక్స్ అయిపోతా. హీరోగా నటించేటప్పుడు తెలియని భయం, ఒత్తిడి ఉంటాయి. ప్రతిక్షణం సెట్స్లో అప్రమత్తంగా ఉండాలి. ఆ టెన్షన్ను నేను ఎంజాయ్ చేస్తుంటాను. ప్రస్తుతం ‘రైటర్ పద్మభూషణ్’ సినిమాలో నటిస్తున్నా. దర్శకుడు ప్రశాంత్ చెప్పిన కథ నవ్విస్తూనే నాతో కన్నీళ్లు పెట్టించింది. విజయవాడకు చెందిన పద్మభూషణ్ అనే యువకుడి కథ ఇది. మధ్యతరగతి కుటుంబాల్లోని అనుబంధాలు, ఆప్యాయతల్ని ఆవిష్కరిస్తూ విభిన్నంగా ఉంటుంది. అక్టోబర్లో ఈ సినిమా విడుదలకానుంది. ప్రస్తుతం ఐదు సినిమాల్లో హీరోగా నటిస్తున్నా. కథానాయకుడిగానే కాకుండా మంచి పాత్రలు వస్తే చేయడానికి సిద్ధంగా ఉన్నా’ అని తెలిపారు.
Read Today's Latest Cinema News in Telugu and Telugu News
RELATED ARTICLES
తాజా వార్తలు
ట్రెండింగ్ వార్తలు
Odisha teacher 14 days in ditch | కొండచరియలు విరుగడంతో గుంతలో చిక్కుకున్న టీచర్.. 14 రోజుల తర్వాత గుర్తించిన కాపరి
Watch: బైకులతో సింహాన్ని అడ్డుకున్న అటవీ శాఖ సిబ్బంది.. తర్వాత ఏం జరిగిందంటే?
Snowfall | ద్రాస్ సెక్టార్లో మంచు అందాల కనువిందు.. Video
Newborn dies due to DJ Sound | డీజే శబ్దానికి గుండె ఆగి.. నవజాత శిశువు మృతి
Watch: ప్రెస్మీట్లో ఒక వ్యక్తిని ముద్దుపెట్టుకున్న బీజేపీ ఎమ్మెల్యే.. ఏఐ వీడియో అని ఆయన భార్య ఆరోపణ

