kgf – kaikala satyanarayana | బాహుబలి తర్వాత దేశవ్యాప్తంగా ఆ స్థాయిలో గుర్తింపు పొందిన సినిమా కేజీఎఫ్. ఎటువంటి అంచనాలు లేకుండా వచ్చిన ఈ సినిమా ప్రభంజనం సృష్టించింది. కన్నడ నుంచి కూడా అద్భుతమైన సినిమాలు వస్తాయని నిరూపించింది. బాహుబలి 2 కోసం అప్పట్లో ఆడియన్స్ ఎలా ఎదురుచూశారో.. ఇప్పుడు కేజీఎఫ్ 2 కోసం కూడా అలాగే ఎదురుచూస్తున్నారు. అంతలా హిట్ అయింది. ఈ సినిమా. కన్నడ హీరో యశ్ హీరోగా ప్రశాంత్ నీల్ దర్శకత్వంలో హోంబలే ప్రొడక్షన్స్ నిర్మించిన ఈ సినిమాకు సీనియర్ నటుడు కైకాల సత్యనారాయణ కు ఒక సంబంధం ఉంది. అదేంటని అనుకుంటున్నారా? టైటిల్ కార్డ్స్ పడటానికి ముందు కైకాల సత్యనారాయణ సమర్పించు అని వస్తుంది. ఈ విషయాన్ని చాలామంది గమనించకపోయి ఉండొచ్చు. ఎంతోకాలంగా కైకాల సినిమాలకు దూరంగా ఉంటున్నాడు కదా. ఇంతకీ ఆయన పేరు సినిమా ముందు ఎందుకు వేశారని అనుమానం వస్తుందా? అయితే అసలు విషయంలోకి వెళ్దాం..
తన సినీ కెరీర్లో కైకాల సత్యనారాయణ ఏడు వందలకు పైగా సినిమాల్లో నటించాడు. విలన్గా, క్యారెక్టర్ ఆర్టిస్ట్గా రకరకాల పాత్రల్లో మెప్పించాడు. వయోభారంతో ఇప్పుడు ఆయన సినిమాలకు దూరంగా ఉంటున్నాడు. కానీ కైకాల సత్యనారాయణ ఒకప్పుడు రమా ఫిలింస్ అనే బ్యానర్తో సినిమాలను కూడా నిర్మించాడు. కైకాల తర్వాత ఆయన వారసుడు.. నిర్మాణ రంగంలోకి అడుగుపెట్టాడు. ఆయన శాండిల్వుడ్లో నిర్మాణరంగంలో ఉన్నాడు. ఈ క్రమంలోనే కేజీఎఫ్ చాప్టర్ 1 సినిమాకు సహ నిర్మాతగా ఉన్నాడు. ఆ సమయంలోనే సినిమా హిట్ అవుతుందని అంచనా వేసిన కైకాల తనయుడు తెలుగు రైట్స్ కోసం పోటీపడ్డాడు. అయితే టాలీవుడ్లో సాయి కొర్రపాటి వంటి టాప్ ప్రొడ్యూసర్ తోడు అంటూ సినిమాకు క్రేజ్ వస్తుందని భావించాడు. దీంతో ఆయనతో కలిసి తెలుగులో కేజీఎఫ్ సినిమాను విడుదల చేశాడు. అలా తెలుగులో విడుదలైన ఈ సినిమా ఇక్కడ దాదాపు రూ.18 కోట్ల రూపాయల షేర్ను కూడా వసూలు చేసింది. ఈ సినిమా సమయంలోనే కేజీఎఫ్ యూనిట్.. కైకాల సత్యనారాయణకు సన్మానం కూడా చేసింది.
లోకల్ టు గ్లోబల్ వార్తల కోసం.. నమస్తే తెలంగాణ ఫేస్బుక్, ట్విటర్ పేజీలను ఫాలో అవ్వండి
Critical condition | సీనియర్ నటుడు కైకాల పరిస్థితి విషమం
kaikala satyanarayana | కైకాలను పరామర్శించిన మెగాస్టార్ చిరంజీవి
Amitabh Bachchan: అమితాబ్ రోల్స్ రాయ్స్ కారుతో కేజీఎఫ్కు లింకేంటి ?
Rakul: రకుల్ ప్రీత్ సింగ్ ఇంట్లో అగ్ని ప్రమాదం.. అందరు సురక్షితం
Actress | ఆడా ఉంటాం.. ఈడా ఉంటాం.. అన్ని ఇండస్ట్రీలు మావే అంటున్న హీరోయిన్లు