Visit:
విజయ్‌ ఆంటోనీ నటించిన యాక్షన్‌ థ్రిల్లర్‌ ‘హిట్లర్‌’. రియా సుమన్‌, గౌతమ్‌ వాసుదేవ్‌ మీనన్‌ కీలక పాత్రధారులు. ధన దర్శకత్వంలో డీటీ రాజా, డీఆర్‌ సంజయ్‌కుమార్‌ ఈ చిత్రాన్ని నిర్మిస్తున్నారు. ఈ నెల 27న పాన్‌ ఇండియా స్థాయిలో చిత్రం విడుదల కానుంది. గురువారం ఈ సినిమా ట్రైలర్‌ని విడుదల చేశారు. ‘ఈ ప్రపంచంలో నిజమైన పవర్‌ అంటే డబ్బు, అధికారం కాదు. ఒక మనిషిని నమ్మి అతని వెనకున్న జనమే..’ అనే డైలాగ్‌తో ట్రైలర్‌ మొదలైంది.
విజయ్‌ ఆంటోని డిఫరెంట్‌ గెటప్స్‌లో అధారాలు దొరక్కుండా ముగ్గుర్ని చంపేస్తాడు. అతడి కోసం పోలీసులు గాలిస్తుంటారు. ఈ యాక్షన్‌ సీన్లతోపాటు హీరోయిన్‌తో రొమాంటిక్‌ లవ్‌స్టోరీ కూడా ట్రైలర్‌లో రివీలైంది. స్వార్థపూరిత రాజకీయ నాయకుడిగా చరణ్‌రాజ్‌ కనిపించారు. మొత్తంగా పొలిటికల్‌, యాక్షన్‌, లవ్‌ అండ్‌ రొమాంటిక్‌ ఎలిమెంట్స్‌తో ట్రైలర్‌ సాగింది. సాంకేతికంగా కూడా సినిమా అభినందనీయంగా ఉంటుందని మేకర్స్‌ చెబుతున్నారు. ఈ చిత్రానికి కెమెరా: నవీన్‌ కుమార్.ఐ, సంగీతం: వివేక్‌, మెర్విన్‌.
