Venky Movie | రవితేజ ‘వెంకీ’ కి 22 ఏళ్లు.. శ్రీనువైట్ల ఎమోషనల్ పోస్ట్!

Venky Movie | మాస్ మాహారాజ రవితేజ కెరీర్‌లో ఆల్ టైమ్ క్లాసిక్ హిట్లలో ఒకటిగా నిలిచిన 'వెంకీ' సినిమా విడుదలై నేటికి 22 ఏళ్లు పూర్తిచేసుకుంది.

Venky Movie | మాస్ మాహారాజ రవితేజ కెరీర్‌లో ఆల్ టైమ్ క్లాసిక్ హిట్లలో ఒకటిగా నిలిచిన ‘వెంకీ’ సినిమా విడుదలై నేటికి 22 ఏళ్లు పూర్తిచేసుకుంది. ఈ సందర్భంగా దర్శకుడు శ్రీనువైట్ల సోషల్ మీడియా వేదికగా ఒక ఎమోషనల్ నోట్‌ను పంచుకున్నాడు. వెంకీ సినిమా కేవలం ఒక చిత్రం మాత్రమే కాదని, స్నేహితులు మరియు ఆత్మీయులతో కలిసి సాగిన ఒక మర్చిపోలేని మధుర ప్రయాణమని ఆయన గుర్తుచేసుకున్నారు. ముఖ్యంగా ఈ సినిమా మేకింగ్ వెనుక ఉన్న కష్టాన్ని వివరిస్తూ.. మొత్తం 70 రోజుల షూటింగ్ షెడ్యూల్‌లో, దాదాపు 40 రాత్రులు వరుసగా షూటింగ్ చేశామని వెల్లడించారు. తెరపై సహజమైన ‘నైట్ ఎఫెక్ట్’ రావడం కోసమే ఇలా చేశామని, హీరో రవితేజ అందించిన తిరుగులేని మద్దతు మరియు అంకితభావం వల్లే ఇది సాధ్యమైందని ఆయన కొనియాడారు.

ఈ సందర్భంగా నిర్మాత అట్లూరి పూర్ణచంద్రరావు గారికి ప్రత్యేక కృతజ్ఞతలు తెలిపిన శ్రీనువైట్ల, సినిమా విడుదలైనప్పుడు అలాగే ఇటీవల రీ-రిలీజ్ అయినప్పుడు కూడా ప్రేక్షకులు చూపించిన అంతులేని ప్రేమ తమను ఎంతో ఉత్సాహపరిచిందని అన్నారు. రవితేజ, స్నేహ జంటగా నటించిన ఈ సినిమాలో గజాలాగా బ్రహ్మానందం, ఎమ్మెస్ నారాయణల కామెడీ ట్రాక్స్, ముఖ్యంగా రైలు ప్రయాణంలో వచ్చే కామెడీ సీక్వెన్స్ ఇప్పటికీ మీమ్స్ మరియు సోషల్ మీడియాలో నిత్యం ట్రెండింగ్‌లో ఉండటం విశేషం. ఎక్కడికి వెళ్లినా ప్రేక్షకులు ఇప్పటికీ ‘వెంకీ’ గురించే మాట్లాడుతుండటం తమకు ఎంతో గర్వంగా ఉందని, ఈ ఆదరణను ఎప్పటికీ గుర్తుంచుకుంటామని ఆయన పేర్కొన్నారు.

Still can’t believe it’s been 22 years since #Venky released! 🤩

Venky wasn’t just a movie, it was an unforgettable, joyful journey with our dearest friends and loved ones. Out of the 70days schedule, we shot for 40 continuous nights to achieve a genuine night effect, which was… pic.twitter.com/HNJWLc3glB

— Sreenu Vaitla (@SreenuVaitla) March 26, 2026