ప్రముఖ సీనియర్ నటులు కైకాల సత్యనారాయణ (kaikala Satyanarayana) పార్థీవ దేహానికి డైరెక్టర్ త్రివిక్రమ్ శ్రీనివాస్ (Trivikram Srinivas) నివాళులర్పించారు. అనంతరం త్రివిక్రమ్ మీడియాతో మాట్లాడుతూ.. నేను మొట్టమొదట హైదరాబాద్కు వచ్చినపుడు సత్యనారాయణ గారి దగ్గరికెళ్లి కథ చెప్పాను. నేను డైరెక్టుగా రచయితగా ఆయన సినిమాలకు పనిచేయలేదు. కానీ సహరచయితగా ఆయన సినిమాలకు చాలా వరకు పనిచేశాను. ఒక ప్రేక్షకుడిగా మనందరికీ ఆయనతో ఎంతో అనుబంధం ఉంది. ఆయనతో ఒక తరం ముగిసిపోయినట్టుగా నాకనిపిస్తోందన్నారు త్రివిక్రమ్.
తెలుగు చలన చిత్ర పరిశ్రమ ఎప్పటికీ మరిచిపోలేని గొప్ప నటుడు కైకాల. ఆయన బతకడం ఒక పండగే. ఆయన పరిపూర్ణమైన జీవితాన్ని గడిపారు. కైకాల మీద ఏ రకమైన ఫిర్యాదులు లేవు. ఆయన లేని లోటు మనందరికీ ఎప్పటికీ పూడ్చలేనిది. కైకాల కుటుంబసభ్యులకు తెలుగు సినీ పరిశ్రమ, తెలుగు ప్రేక్షకుల తరపున మా ప్రగాఢ సానుభూతి తెలియజేస్తున్నా.
అధికారిక లాంఛనాలతో కైకాల సత్యనారాయణ అంత్యక్రియలు నిర్వహించాలన్న తెలంగాణ ప్రభుత్వ నిర్ణయం చాలా గొప్పది. ప్రభుత్వానికి కృతజ్ఞతలు తెలియజేస్తున్నట్టు త్రివిక్రమ్ శ్రీనివాస్ చెప్పారు.