పోలీస్‌ అధికారి పాత్రలో..

అగ్ర హీరో ప్రభాస్‌ వరుసగా సినిమాల్ని పట్టాలెక్కిస్తున్నారు. ‘ఆదిపురుష్‌' చిత్రీకరణ పూర్తి చేసుకోగా..సలార్‌, ప్రాజెక్ట్‌-కె, రాజా డీలక్స్‌ సెట్స్‌మీదున్నాయి. వీటితో పాటు ‘అర్జున్‌ రెడ్డి’ ఫేమ్‌ సందీప్‌రెడ్డి వంగా దర్శకత్వంలో ప్రభాస్‌ ‘స్పిరిట్‌' పేరుతో ఓ చిత్రాన్ని చేయబోతున్న విషయం తెలిసిందే.

అగ్ర హీరో ప్రభాస్‌ వరుసగా సినిమాల్ని పట్టాలెక్కిస్తున్నారు. ‘ఆదిపురుష్‌’ చిత్రీకరణ పూర్తి చేసుకోగా..సలార్‌, ప్రాజెక్ట్‌-కె, రాజా డీలక్స్‌ సెట్స్‌మీదున్నాయి. వీటితో పాటు ‘అర్జున్‌ రెడ్డి’ ఫేమ్‌ సందీప్‌రెడ్డి వంగా దర్శకత్వంలో ప్రభాస్‌ ‘స్పిరిట్‌’ పేరుతో ఓ చిత్రాన్ని చేయబోతున్న విషయం తెలిసిందే. ఈ సినిమాలో ప్రభాస్‌ పోలీస్‌ అధికారి పాత్రలో కనిపించనున్నారని సమాచారం. కెరీర్‌లో ఇప్పుటివరకు ఆయన పోలీస్‌ పాత్రను పోషించలేదు. వెండితెరపై తొలిసారి ఖాకీ యూనిఫామ్‌లో కనిపించడానికి సిద్ధమవడం ప్రాధాన్యతను సంతరించుకుంది.

తాజాగా ఈ సినిమాకు సంబంధించిన ఓ ఆసక్తికరమైన విషయాన్ని వెల్లడించారు చిత్ర నిర్మాత భూ షణ్‌ కుమార్‌. ఈ ఏడాది చివరలో ఈ సి నిమా షూటింగ్‌ ప్రా రంభిస్తామని, పోలీస్‌ కథాంశంతో తెరకెక్కించబోతున్నామని తెలిపారు. ఆయన మాట్లాడుతూ ‘ఈ సినిమాలో మునుపెన్నడూ చూడని ప్రభాస్‌ పాత్ర ఉంటుంది. సంగీతం ప్రధానాకర్షణగా నిలుస్తుంది. భారీ వ్యయంతో ఈ సినిమాను నిర్మిస్తాం’ అని చెప్పారు. ప్రస్తుతం సందీప్‌ రెడ్డి వంగా ‘యానిమల్‌’ చిత్రీకరణలో బిజీగా ఉన్నారు. ఈ సినిమా పూర్తయిన వెంటనే ప్రభాస్‌ ‘స్పిరిట్‌’ పనులు మొదలుపెడతారని సమాచారం.