Tiger Shroff | భవిష్యత్తులోకి తీసుకెళ్లబోతున్న టైగర్‌ ష్రాఫ్‌.. ఉత్కంఠ రేకెత్తిస్తున్న గణపథ్‌ టీజర్‌..!

Tiger Shroff | ఈ సారి దసరా పండగను టైగర్ ష్రాఫ్ కూడా లాక్‌ చేసుకున్నాడు. అమితాబ్‌తో కలిసి చేసిన గణపథ్‌ సినిమాను తెలుగులోను రిలీజ్‌ చేయబోతున్నారు. తాజాగా మేకర్స్ ఈ సినిమా తాలూకూ టీజర్‌ను రిలీజ్‌ చేశారు.

Tiger Shroff | ఈ సారి దసరా పండగను టైగర్ ష్రాఫ్ కూడా లాక్‌ చేసుకున్నాడు. అమితాబ్‌తో కలిసి చేసిన గణపథ్‌ సినిమాను తెలుగులోను రిలీజ్‌ చేయబోతున్నారు. తాజాగా మేకర్స్ ఈ సినిమా తాలూకూ టీజర్‌ను రిలీజ్‌ చేశారు. ఈ సినిమా ఫ్యూచరిస్టిక్‌ నేపథ్యంలో ఉండబోతున్నట్లు ఓ క్లారిటీ ఇచ్చేశారు. టీజర్‌ స్టార్టింగ్‌లోనే 2070 అంటూ భవిష్యత్తులోకి తీసుకెళ్లిపోయారు. ధ్యానంలో మునిగిపోయిన టైగర్‌ ష్రాఫ్‌ను చూపించి ఆ తర్వాత ఆకాశాన్నంటే భవనాలు, నిజంగా ఫ్యూచర్‌ ఇలానే ఉంటుందా అన్న రేంజ్‌లో విజువల్స్‌ ఆసక్తిని రేకెత్తించాయి. మిలిటరి డ్రెస్సులు వేసుకున్న ఓ మూక.. జనాలను వేధిస్తుండగా..వారిని రక్షించేందుకు వీరుడిలా టైగర్ ష్రాఫ్‌ వస్తాడు. ఆ మూక చేతిలో బలవుతున్న ప్రజలను కాపాడే బాధ్యతను తీసుకుని పోరాటాలు చేస్తాడు.

మరో 50ఏళ్ల తర్వాత ఫ్యూచర్‌ ఎలా ఉంటుందో సినిమాలో చూపించే ప్రయత్నం చేస్తున్నట్లు తెలుస్తుంది. ఇదే సబ్జెక్ట్‌కు యాక్సన్‌ను పుష్కలంగా జోడించినట్లు టీజర్‌తో క్లారిటీ వచ్చేసింది. అమితాబ్‌ ఈ సినిమాలో కీలకపాత్ర పోషిస్తున్నట్లు తెలుస్తుంది. నేషనల్ అవార్డు హీరోయిన్‌ కృతి సనన్ సైతం పోరాటలతో అదరగొడుతుంది. టీజర్‌ చివర్లో గణపతి షాట్‌ మాత్రం వేరే లెవల్‌. టీజర్‌ మొత్తంగా కాస్త ఆసక్తి రేకెత్తించేలానే కనిపిస్తుంది. వికాస్‌ బాల్‌ దర్శకత్వం వహించిన ఈ సినిమా అక్టోబర్ 20న హిందీతో పాటు, తెలుగు, తమిళ, కన్నడ, మలయాళ భాషల్లో రిలీజ్‌ కానుంది. అదే రోజున టైగర్‌ నాగేశ్వరరావు.. ముందు రోజున భగవంత్‌ కేసరి, లియో సినిమాలు రిలీజవుతున్నాయి.