అగ్ర కథానాయిక రష్మిక మందన్న నటిస్తున్న తాజా చిత్రం ‘ది గర్ల్ ఫ్రెండ్’. రాహుల్ రవీంద్రన్ దర్శకత్వం వహిస్తున్న ఈ చిత్రాన్ని గీతా ఆర్ట్స్, మాస్ మూవీ మేకర్స్, ధీరజ్ మొగిలినేని ఎంటర్టైన్మెంట్ సంస్థలు నిర్మిస్తున్నాయి. ఇటీవల అనౌన్స్మెంట్తో పాటు టైటిల్, మోషన్ పోస్టర్ను విడుదల చేశారు. ‘నాదీ అని చెప్పుకోవడానికి ఒక గర్ల్ ఫ్రెండ్ ఉంటే ఆ కిక్కే వేరురా..’ అనే వాయిస్ఓవర్తో మోషన్ పోస్టర్ ఆసక్తిని కలిగించింది.
త్వరలో షూటింగ్ ప్రారంభిస్తామని చిత్ర బృందం పేర్కొంది. రష్మిక మందన్న నటిస్తున్న తొలి లేడీ ఓరియెంటెడ్ చిత్రమిదే కావడం విశేషం. ఈ చిత్రానికి సినిమాటోగ్రఫీ: కృష్ణన్ వసంత్, ప్రొడక్షన్ డిజైన్: ఎస్.రామకృష్ణ, మౌనిక నిగోత్రి, నిర్మాతలు: విద్య కొప్పినేని, ధీరజ్ మొగిలినేని, రచన-దర్శకత్వం: రాహుల్ రవీంద్రన్.