Gopichand | ప్ర‌తీ ఒక్క‌రికీ ధ‌న్య‌వాదాలు..గోపీచంద్ ట్వీట్ వైర‌ల్

య‌జ్ఞం సినిమాతో హీరోగా మంచి ఫ్యాన్ ఫాలోయింగ్ సంపాదించుకున్నాడు గోపీచంద్. యాక్ష‌న్ హీరోగా, మ్యాచో స్టార్‌గా కోట్లాదిమంది అభిమానుల‌ను సంపాదించుకున్నాడు.

తెలుగు సినీ పరిశ్ర‌మ (Telugu film industry)లో ఉన్న టాలెంటెడ్ యాక్ట‌ర్ల‌లో గోపీచంద్ (Gopichand) ఒకరు. జ‌యం, వ‌ర్షం సినిమాల్లో అదిరిపోయే విల‌నిజంతో మంచి బ్రేక్ అందుకున్నాడు. ఆ త‌ర్వాత య‌జ్ఞం సినిమాతో హీరోగా మంచి ఫ్యాన్ ఫాలోయింగ్ సంపాదించుకున్నాడు. యాక్ష‌న్ హీరోగా, మ్యాచో స్టార్‌గా కోట్లాదిమంది అభిమానుల‌ను సంపాదించుకున్నాడు గోపీచంద్. ఈ ఆర‌డుగుల అంద‌గాడు స‌క్సెస్ ఫుల్‌గా 21 ఏండ్ల (21 years)ఇండ‌స్ట్రీ ప్ర‌యాణాన్ని పూర్తి చేసుకున్నాడు.

ఈ సంద‌ర్భంగా అంద‌రికీ ధ‌న్య‌వాదాలు తెలుపుతూ..స్పెష‌ల్ ట్వీట్ చేశాడు గోపీచంద్‌. పరిశ్రమలో 21 ఏళ్లు..ఈ ప్ర‌యాణంలో నాకు వచ్చిన, నేను నేర్చుకున్న ప్రతీ దానికీ కృతజ్ఞతలు. మీ అందరి ప్రేమ, మద్దతు లేకుండా నేను ఈ స్థితిలో ఉండేవాడిని కాదు. నా ప్రయాణంలో భాగమైన ప్రతీ ఒక్కరికీ ధన్యవాదాలు..అని ట్వీట్ చేశాడు గోపీచంద్‌.

ఈ ఏడాది మారుతి డైరెక్ష‌న్‌లో ప‌క్కా క‌మ‌ర్షియల్ (Pakka Commercial) సినిమాతో ప్రేక్ష‌కుల ముందుకొచ్చాడు. ప్ర‌స్తుతం శ్రీవాసు డైరెక్ష‌న్‌లో ఓ సినిమాకు గ్రీన్ సిగ్న‌ల్ ఇచ్చాడు గోపీచంద్‌. ఇంకా టైటిల్ ఫిక్స్ కానీ ఈ చిత్రం షూటింగ్ ద‌శ‌లో ఉంది.

21 years in the industry.. Grateful for everything that came my way and all the learnings. I wouldn't be where I am today without all your love and support. Thank you to each and everyone who's been a part of my journey!#21YrsOfGopichandInTFI

— T Gopichand (@YoursGopichand) August 3, 2022