Visit:
Mahesh Babu | మహేష్ బాబు పుట్టినరోజు సందర్భంగా టాలీవుడ్ మోస్ట్ అవేటెడ్ ప్రాజెక్ట్కు సంబంధించి రాజమౌళి సోషల్ మీడియా వేదికగా కీలక అప్డేట్ ఇచ్చారు. ఈ సినిమాలోని ‘రుద్ర’ పాత్ర గురించి ఆయన మాట్లాడుతూ.. “రుద్ర కేవలం తన కోసం కాకుండా, ఒక గొప్ప ఉద్దేశాన్ని నెరవేర్చడానికి పుట్టాడు. అతను కోరుకోని ఒక గమ్యాన్ని తనతో పాటు మోస్తున్నాడు. అతను చమత్కారంగా, సున్నితంగా, అలాగే భయంకరంగా ఉంటాడు. మహేష్ బాబు ఆ పాత్రకు ప్రాణం పోశారు. ఎవరైనా ఉగ్రరూపం ప్రదర్శించగలరు, కానీ ఒకే సమయంలో భయంకరంగా మరియు పెళుసైన భావోద్వేగాలను పండించడం చాలా కొద్ది మందికే సాధ్యం” అని తెలిపారు.
అలాగే ఆఫ్రికా షెడ్యూల్ విశేషాలను పంచుకుంటూ.. “ఈ విజువల్స్ మా ఆఫ్రికా షెడ్యూల్లోనివి. ఏ సెట్ కూడా ఇవ్వలేని అద్భుతమైన అనుభూతిని ఈ భూమి మాకు అందించింది. కిలిమంజారో పరిసరాల్లో, మసాయి మారా అడవులలో షూటింగ్ చేస్తుంటే మైమరచిపోయాను. కొన్ని ఉదయాపూట మా కళ్లముందు ఉన్న అందాన్ని 1.43:1 ఐమాక్స్ ఫ్రేమ్ కూడా పూర్తిగా బంధించలేదేమో అనిపించింది” అంటూ జక్కన్న భావోద్వేగానికి లోనయ్యారు. ఈ పోస్ట్ ప్రస్తుతం సోషల్ మీడియాలో వైరల్ అవుతోంది.
