Visit:
వరుస విజయాలతో జోష్‌మీదున్నారు యువహీరో శ్రీవిష్ణు. ఆయన నటిస్తున్న తాజా రొమాంటిక్‌ కామెడీ ఎంటర్‌టైనర్‌ ‘సింగిల్‌’. కార్తీక్‌ రాజు దర్శకుడు. అల్లు అరవింద్‌ సమర్పణలో గీతా ఆర్ట్స్‌, కళ్యా ఫిల్మ్స్‌ సంస్థలు నిర్మిస్తున్నాయి. ఈ చిత్రాన్ని మే 9న విడుదల చేయబోతున్నట్లు మేకర్స్‌ ప్రకటించారు. ముక్కోణపు ప్రేమకథా చిత్రమిదని, ఇప్పటికే విడుదలైన పాటలు, ప్రచార చిత్రాలకు అద్భుతమైన స్పందన లభిస్తున్నదని, ఆద్యంతం హాస్యంతో అలరించే చిత్రమిదని మేకర్స్‌ తెలిపారు. కేతికశర్మ, ఇవానా, వెన్నెల కిషోర్‌ తదితరులు నటిస్తున్న ఈ చిత్రానికి సంగీతం: విశాల్‌చంద్రశేఖర్‌, నిర్మాతలు: విద్యా కొప్పినీడి, భానుప్రతాప్‌, రియాజ్‌ చౌదరి, రచన-దర్శకత్వం: కార్తీక్‌రాజు.
