Don Movie Collections | తమిళ హీరో శివకార్తికేయన్ తెలుగు ప్రేక్షకులకు సుపరిచితమే. ‘రెమో’ సినిమాతో తెలుగు ప్రేక్షకులకు పరిచయమయిన కార్తికేయన్ గతేడాది విడుదలైన ‘డాక్టర్’ సినిమాతో టాలీవుడ్లో మంచి మార్కెట్ను ఏర్పరచుకున్నాడు. ఈ క్రమంలోనే ఈయన నటించిన ‘డాన్’ తమిళ్తో పాటు తెలుగులోనూ ఏకకాలంలో విడుదలైంది. సిబి.చక్రవర్తి దర్శకత్వం వహించిన ఈ చిత్రం మే13న విడుదలై సూపర్ హిట్గా నిలిచింది. అయితే ఈ చిత్రంపై మొదట్లో ఎలాంటి అంచనాలు లేవు. నిజానికి చాలా మందికి అప్పుడు సినిమా విడుదలైన విషయమే తెలియదు. ఎందుకంటే తెలుగులో మేకర్స్ ఎలాంటి ప్రమోషన్లు జరుపలేదు. దానికి తోడు అప్పటికే విడుదలైన ‘సర్కారు వారి పాట’ బ్లాక్ బస్టర్ టాక్ తెచ్చుకోవడంతో ఈ సినిమాను ప్రేక్షకులు అంతగా పట్టించుకోలేరు. కానీ మౌత్ టాక్ పాజిటీవ్గా రావడంతో ప్రేక్షకుల ఆదరణ దక్కింది. ప్రియాంక అరుళ్ మోహన్ హీరోయిన్గా నటించిన ఈ చిత్రాన్ని లైకా ప్రొడక్షన్ సంస్థతో కలిసి శివ కార్తికేయన్ స్వీయ నిర్మాణంలో తెరకెక్కించాడు. తెలుగు రాష్ట్రాల్లో ఈ సినిమా క్లోజింగ్ కలెక్షన్లు గమనిస్తే
నైజాం : 0.82 కోట్లు
సీడెడ్ : 0.27 కోట్లు
ఉత్తరాంధ్ర : 0.29 కోట్లు
ఈస్ట్ : 0.10 కోట్లు
వెస్ట్ : 0.12 కోట్లు
కృష్ణా : 0.11 కోట్లు
గుంటూరు : 0.12 కోట్లు
నెల్లూరు : 0.13 కోట్లు
ఏపీ+తెలంగాణ : 1.96 కోట్లు
‘డాన్’ చిత్రానికి తెలుగులో రూ.1.30 కోట్ల ప్రీ రిలీజ్ బిజినెస్ జరిగింది. ఫుల్ రన్ ముగిసే సరికి రూ.1.96 కోట్ల షేర్ను సాధించింది. శివ కార్తికేయన్ తెలుగులో మంచి మార్కెట్ను ఏర్పరచుకున్నాడు. ఈయన గత చిత్రం ‘డాక్టర్’ సినిమా కూడా 2 కోట్ల వరకు షేర్ను సాధించింది.