షారుఖ్‌తో యాక్షన్‌ సినిమా

బాలీవుడ్‌ బాద్షా షారుఖ్‌ఖాన్‌ కెరీర్‌లో గత ఏడాది చిరస్మరణీయంగా నిలిచిపోతుంది. పఠాన్‌, జవాన్‌, డంకీ చిత్రాలతో హ్యాట్రిక్‌ విజయాలు దక్కాయి. అందులో పఠాన్‌, జవాన్‌ చిత్రాలు వేయి కోట్ల వసూళ్ల మైలురాయిని దాటడం విశేషం.

బాలీవుడ్‌ బాద్షా షారుఖ్‌ఖాన్‌ కెరీర్‌లో గత ఏడాది చిరస్మరణీయంగా నిలిచిపోతుంది. పఠాన్‌, జవాన్‌, డంకీ చిత్రాలతో హ్యాట్రిక్‌ విజయాలు దక్కాయి. అందులో పఠాన్‌, జవాన్‌ చిత్రాలు వేయి కోట్ల వసూళ్ల మైలురాయిని దాటడం విశేషం. ఈ నేపథ్యంలో షారుఖ్‌ఖాన్‌ తదుపరి సినిమాపై అందరిలో ఆసక్తి ఏర్పడింది. ఆయన మరో యాక్షన్‌ సినిమావైపే మొగ్గు చూపుతున్నారని వార్తలు వినిపిస్తున్నాయి. దీనికి కరణ్‌జోహార్‌ దర్శకత్వం వహించబోతున్నారని తెలిసింది. తన కెరీర్‌లో ఇప్పటివరకు కరణ్‌జోహార్‌ యాక్షన్‌ సినిమా చేయలేదు. దాంతో ఈ వార్త బాలీవుడ్‌లో చర్చనీయాంశంగా మారింది.

బాలీవుడ్‌ చిత్రసీమలో షారుఖ్‌ఖాన్‌-కరణ్‌జోహార్‌ను సూపర్‌హిట్‌ కాంబినేషన్‌గా అభివర్ణిస్తారు. వారి కలయికలో కుచ్‌ కుచ్‌ హోతాహై, కభీ ఖుషీ కభీ ఘమ్‌, మై నేమ్‌ ఈజ్‌ ఖాన్‌, కభీ అల్విదా నా కెహ్నా..వంటి బ్లాక్‌బస్టర్స్‌ హిట్స్‌ వచ్చాయి. ఈ నేపథ్యంలో వీరిద్దరు కలిసి మరో సినిమాకు సిద్ధమవడం ప్రాధాన్యతను సంతరించుకుంది. ప్రస్తుతం ఈ చిత్రానికి సంబంధించిన కథా చర్చలు జరుగుతున్నాయని, యాక్షన్‌ జోనర్‌లో సరికొత్త కథాంశాన్ని సిద్ధం చేయాలనే ఆలోచనలో కరణ్‌జోహార్‌ ఉన్నారని అంటున్నారు.