అనుకున్నదొకటి జరిగిందొకటి!

నటి సమంతకు కథానాయికగా ఎంత క్రేజ్‌ ఉందో, ఫ్యాషన్‌ ప్రపంచంలో కూడా అంత క్రేజుంది. తాజాగా ‘ది నోడ్‌' అనే మ్యాగజైన్‌ కవర్‌ పేజీ కోసం సమంత ఫొటో షూట్‌ చేసింది.

నటి సమంతకు కథానాయికగా ఎంత క్రేజ్‌ ఉందో, ఫ్యాషన్‌ ప్రపంచంలో కూడా అంత క్రేజుంది. తాజాగా ‘ది నోడ్‌’ అనే మ్యాగజైన్‌ కవర్‌ పేజీ కోసం సమంత ఫొటో షూట్‌ చేసింది. ప్రస్తుతం ఆ ఫొటోలు సోషల్‌ మీడియాలో సంచలనంగా మారాయి. సమంతలోని సరికొత్త ఎనర్జీని ఆవిష్కరించేలా ఈ ఫొటోలున్నాయి. వీటిలో ఆమె ధరించిన అవుట్‌ఫిట్స్‌, సామ్‌ మేకోవర్‌ డిఫరెంట్‌గా ఉందని అంటున్నారు. ఇదిలావుంటే.. ఈ ఫొటోలను తన ఇన్‌స్టాలో షేర్‌ చేస్తూ, తన కెరీర్‌ తొలినాళ్ల ముచ్చట్లను సమంత పంచుకున్నది. ‘నాది ఓ ఊహించని సినిమా ప్రయాణం. అమ్మనాన్నకు మేం ముగ్గురం పిల్లలం. నేను చిన్నదాన్ని. అసలు నటిని కావాలనే ఆలోచనే నాకప్పట్లో లేదు. కాలేజ్‌ తర్వాత వచ్చిన చిన్న గ్యాప్‌లో సరదాగా మోడలింగ్‌ వైపు వెళ్లాను. ఈ క్రమంలోనే ఓ సినిమా ఆడిషన్‌కి వెళ్లి హీరోయిన్‌గా సెలక్టయిపోయాను. ఓ ఏడాది పాటు సినిమాలు చేసి, మళ్లీ కాలేజ్‌ కెళ్లి చదువుకుందాం అనుకున్నా. కానీ ఈ గ్లామర్‌ ప్రపంచం నన్నొదల్లేదు’ అంటూ రాసుకొచ్చింది సమంత.