Sam Bahadur | దేశభక్తి ఉప్పొంగేలా ‘బడ్‌తే ఛలో’.. ‘సామ్​ బహదూర్’ ఫ‌స్ట్ సింగిల్ రిలీజ్

Vicky Kaushal | బాలీవుడ్ న‌టుడు విక్కీ కౌశల్‌ (Vicky Kaushal) ప్ర‌ధాన పాత్రలో న‌టిస్తున్న తాజా చిత్రం ‘సామ్​ బహదూర్’ (Sam Bahadur). ఈ సినిమాకు మేఘనా గుల్జార్ (Meghana Gulzar) ద‌ర్శక‌త్వం వ‌హిస్తుండ‌గా.. రోనీస్క్రూవాలా నిర్మిస్తున్నాడు. ఒక సర్దార్ ఉద్దమ్ వంటి బ్ల‌క్ బ‌స్ట‌ర్ సినిమా తర్వాత మరో బయోపిక్ సినిమాతో ముందుకువ‌స్తున్నాడు విక్కీ.

Vicky Kaushal | బాలీవుడ్ న‌టుడు విక్కీ కౌశల్‌ (Vicky Kaushal) ప్ర‌ధాన పాత్రలో న‌టిస్తున్న తాజా చిత్రం ‘సామ్​ బహదూర్’ (Sam Bahadur). ఈ సినిమాకు మేఘనా గుల్జార్ (Meghana Gulzar) ద‌ర్శక‌త్వం వ‌హిస్తుండ‌గా.. రోనీస్క్రూవాలా నిర్మిస్తున్నాడు. ఒక సర్దార్ ఉద్దమ్ వంటి బ్ల‌క్ బ‌స్ట‌ర్ సినిమా తర్వాత మరో బయోపిక్ సినిమాతో ముందుకువ‌స్తున్నాడు విక్కీ. దీంతో ఈ సినిమాపై భారీ అంచ‌నాలు ఉన్నాయి. ఇక ఇప్ప‌టికే ఈ సినిమా నుంచి ఫ‌స్ట్ లుక్‌తో పాటు టీజ‌ర్, ట్రైల‌ర్‌లు విడుద‌ల చేయ‌గా ప్రేక్ష‌కుల‌ను ఆక‌ట్టుకుంది. ఇదిలా ఉంటే.. తాజాగా ఈ సినిమా నుంచి మేక‌ర్స్ మ్యూజిక‌ల్ అప్‌డేట్ ఇచ్చారు.

ఈ మూవీ నుంచి ఫ‌స్ట్ సింగిల్ బడ్‌తే ఛలో అనే సాంగ్‌ను మేక‌ర్స్ విడుద‌ల చేశారు. ఇక ఈ సాంగ్ చూస్తే.. భారత ఆర్మీ చీఫ్‌గా ఉన్న విక్కీ (సామ్ బహదూర్) త‌మ సోల్జ‌ర్స్‌కు 1971 ఇండో-పాక్ యుద్ధ స‌మ‌యంలో దేశభక్తి స్ఫూర్తిని మేల్కొల్పుతున్న‌ట్లు క‌నిపిస్తుంది. కాగా.. ఈ పాటను శంకర్ మహదేవన్, విశాల్ దద్లానీ దివ్య కుమార్ క‌లిసి పాడగా.. గుల్జార్ సాహిత్యం.. శంకర్ ఎహసాన్ లాయ్ సంగీతం అందించాడు. ఇక విడుదలైన తక్కువ సమయంలోనే ఈ పాట 2 ల‌క్ష‌ల‌ వ్యూస్ ద‌క్కించుకుంది.

1971 ఇండో-పాక్ యుద్ధంలో భారత ఆర్మీ చీఫ్‌గా ఉండి దేశం కోసం తన జీవితాన్ని త్యాగం చేసిన సామ్ మానెక్ షా(Sam Manek Shah) జీవితం ఆధారంగా ఈ మూవీ రానుంది. ఇక సామ్​మానెక్షా పాత్ర‌లో విక్కీ కౌశల్ న‌టిస్తుండ‌గా.. ఇందిరా గాంధీ పాత్రలో సనా ఫాతిమా షేక్ (Sana Fatima Sheikh)​ నటించింది. ఇక విక్కీ కౌశల్ భార్య పాత్రలో సన్యా మల్హోత్రా నటిస్తుంది.