Chiranjeevi | రాణీకి మెగా ఆఫర్‌.. చిరుకు జోడీగా ఒకనాటి బాలీవుడ్‌ అందాలభామ?

ఒకనాటి బాలీవుడ్‌ అందాలభామ రాణీ ముఖర్జీని ఓ క్రేజీ ఆఫర్‌ వరించిందని బాలీవుడ్‌ మీడియా కోడై కూస్తోంది.. పైగా అది హిందీ సినిమా కాదు.. తెలుగు సినిమా.

Chiranjeevi | ఒకనాటి బాలీవుడ్‌ అందాలభామ రాణీ ముఖర్జీని ఓ క్రేజీ ఆఫర్‌ వరించిందని బాలీవుడ్‌ మీడియా కోడై కూస్తోంది.. పైగా అది హిందీ సినిమా కాదు.. తెలుగు సినిమా. అదికూడా చిరంజీవి సినిమా. వివరాల్లోకెళ్తే.. చిరంజీవి హీరోగా శ్రీకాంత్‌ ఓదెల ఓ యాక్షన్‌ అడ్వెంచర్‌ మూవీ చేయనున్న విషయం తెలిసిందే. ఇందులో హీరోయిన్‌ పాత్ర చాలా కీలకమట. అది కూడా మధ్య వయస్కురాలి పాత్రట. గొప్ప నటీమణులు మాత్రమే పోషించదగ్గ పాత్ర అని తెలుస్తున్నది.

ఆ పాత్రకు రాణీ ముఖర్జీ పేరును సూచించారట దర్శకుడు శ్రీకాంత్‌ ఓదెల. ఆ ప్రపోజల్‌కి చిరంజీవి కూడా గ్రీన్‌ సిగ్నల్‌ ఇచ్చేశారట. తన వయసుకు తగ్గట్టుగా, డిగ్నిఫైడ్‌గా ఉంటుందని చిరంజీవి భావించడం వల్ల ఆ పాత్ర రాణీ ముఖర్జీని వరించిందని ఫిల్మ్‌ వర్గాల టాక్‌. చిరంజీవి 158వ సినిమాగా తెరకెక్కనున్న ఈ సినిమాకు సంబంధించిన ప్రీపొడక్షన్‌ వర్క్‌ శరవేగంగా జరుగుతున్నది. త్వరలోనే నటీనటులను, సాంకేతిక నిపుణులను ఖరారు చేస్తారట.