Ramayana | ‘రామాయణ’ రన్‌టైమ్ 3 గంటల 15 నిమిషాలా .. సినిమా నిడివిపై ఆసక్తికర ప్రచారం!

Ramayana | భారతీయ సినీ పరిశ్రమలో అత్యంత భారీ అంచనాలు నెలకొన్న చిత్రాల్లో ‘రామాయణ’ ఒకటి. బాలీవుడ్ స్టార్ రణబీర్ కపూర్ శ్రీరాముడిగా, సాయి పల్లవి సీతాదేవిగా నటిస్తున్న ఈ ఇతిహాస చిత్రానికి నితీష్ తివారీ దర్శకత్వం వహిస్తున్నారు. కన్నడ స్టార్ యశ్ రావణుడి పాత్రలో కనిపించనుండటంతో ఈ సినిమాపై దేశవ్యాప్తంగా భారీ ఆసక్తి నెలకొంది.

Ramayana | భారతీయ సినీ పరిశ్రమలో అత్యంత భారీ అంచనాలు నెలకొన్న చిత్రాల్లో ‘రామాయణ’ ఒకటి. బాలీవుడ్ స్టార్ రణబీర్ కపూర్ శ్రీరాముడిగా, సాయి పల్లవి సీతాదేవిగా నటిస్తున్న ఈ ఇతిహాస చిత్రానికి నితీష్ తివారీ దర్శకత్వం వహిస్తున్నారు. కన్నడ స్టార్ యశ్ రావణుడి పాత్రలో కనిపించనుండటంతో ఈ సినిమాపై దేశవ్యాప్తంగా భారీ ఆసక్తి నెలకొంది. భారతీయ ఇతిహాసాన్ని ప్రపంచ ప్రేక్షకులకు చేరువ చేయాలనే లక్ష్యంతో రూపొందుతున్న ఈ చిత్రం నుంచి ఎప్పటికప్పుడు వస్తున్న అప్‌డేట్స్ అభిమానుల్లో ఉత్కంఠను పెంచుతున్నాయి. ‘రామాయణ’ను రెండు భాగాలుగా తెరకెక్కిస్తున్న విషయం తెలిసిందే. ఈ నేపథ్యంలో మొదటి భాగం నిడివికి సంబంధించి తాజాగా ఓ ఆసక్తికరమైన ప్రచారం తెరపైకి వచ్చింది

తొలి భాగం సుమారు 3 గంటల 15 నిమిషాల నిడివితో ఉండబోతోందని వార్తలు వినిపిస్తున్నాయి. అయితే ఈ రన్‌టైమ్‌పై పూర్తి క్లారిటీ లేదు. ఒకవేళ ఇదే నిడివితో సినిమా ప్రేక్షకుల ముందుకు వస్తే, భారీ విజువల్స్‌తో పాటు కథకు విస్తృతంగా చోటు కల్పించే అవకాశం ఉంటుంది. రామాయణంలోని కీలక ఘట్టాలను, పాత్రల భావోద్వేగాలను, యుద్ధ సన్నివేశాలను తెరపై ఆవిష్కరించేందుకు ఇంతటి నిడివి ఉపయోగపడుతుందా? అన్నది ఆసక్తికరంగా మారింది. ఈ సినిమాలో రణబీర్ కపూర్ శ్రీరాముడి పాత్రలో కనిపించనుండగా, సాయి పల్లవి సీతాదేవిగా నటిస్తున్నారు. రావణుడి పాత్రను యశ్ పోషిస్తున్నారు. ఈ ముగ్గురు ప్రముఖ నటులు కీలక పాత్రల్లో కనిపించనుండటంతో సినిమాపై అంచనాలు మరింత పెరిగాయి.

దర్శకుడు నితీష్ తివారీ ఈ ఇతిహాస కథను భారీ స్థాయిలో తెరకెక్కిస్తున్నారు. భారతీయ సంస్కృతి, సంప్రదాయాలు, పురాణ గాథలకు సంబంధించిన అంశాలను అత్యాధునిక సాంకేతికతతో మేళవించి ప్రేక్షకుల ముందుకు తీసుకురావాలనే ప్రయత్నం ఈ చిత్రంలో కనిపించనుంది. ఇప్పటికే విడుదలైన ప్రచార చిత్రాలు, పోస్టర్లపై అభిమానులు ఆసక్తి చూపుతున్నారు. ‘రామాయణ’కు సంగీతం అందించే విషయంలోనూ చిత్రబృందం ప్రత్యేక శ్రద్ధ తీసుకుంది. హాలీవుడ్ ప్రముఖ సంగీత దర్శకుడు హాన్స్ జిమ్మర్‌తో పాటు భారతీయ సంగీత దిగ్గజం ఏఆర్ రెహమాన్ ఈ ప్రాజెక్టుకు సంగీతం అందిస్తున్నారు. వీరిద్దరి కలయికలో రూపొందే సంగీతం సినిమాలోని కీలక ఘట్టాలకు మరింత బలాన్ని చేకూరుస్తుందని అభిమానులు ఆశిస్తున్నారు.