Ram: సోష‌ల్ మీడియాని షేక్ చేస్తున్న‌ ఇస్మార్ట్ హీరో న్యూ లుక్

ఇస్మార్ట్ శంక‌ర్ చిత్రంతో కెరీర్‌లోనే బ్లాక్ బ‌స్ట‌ర్ కొట్టిన రామ్ ఇప్పుడు త‌మిళ ద‌ర్శ‌కుడు లింగుస్వామితో యాక్ష‌న్ ఓరియెంటెడ్ సినియా చేస్తున్న విష‌యం తెలిసిందే. ముప్పై రోజుల పాటు జ‌రిగిన తొలి షెడ్యూల్‌ను పూర్తి చేసుకున్న రామ్ ఇప్పుడు కొత్త షెడ్యూల్ కోసం సిద్ధ‌మ‌వుతున్నాడు. ఈ సినిమా తెలుగుతో పాటు త‌మిళంలోను రూపొంద‌నుంది.

ఈ సినిమా కోసం రామ్ చాలా హార్డ్ వ‌ర్క్ చేస్తున్న‌ట్టు తెలుస్తుంది. ముఖ్యంగా భారీగా కండ‌లు పెంచి స‌రికొత్త లుక్‌లో ఆక‌ట్టుకునే ప్ర‌య‌త్నం చేస్తున్నాడు. ఫిజిక్ పరంగా సరికొత్త రామ్ పోతినేనిని అభిమానులకు పరిచయం చేస్తున్నాడు రామ్. త్వరలో యాక్షన్‌ సీన్లు తెరకెక్కించనుండ‌గా,వాటి కోసం రామ్‌ ప్రత్యేకంగా సిద్ధమవుతున్నారు. ఈ సినిమా, ఇందులో ఫైట్లు ఊరమాస్‌గా ఉంటాయని తెలిసింది.

రామ్‌ను ఢీ కొట్టే ప్రతినాయకుడిగా ఆది పినిశెట్టి కనిపించనున్నారు. ఇస్మార్ట్ శంక‌ర్‌లో గ‌డ్డం పెంచి ర‌గ్డ్ లుక్‌తో క‌నిపించిన రామ్..రెడ్‌లో అదే లుక్‌ను మెయిన్ టెయిన్ చేస్తున్నాడు. ఇప్ప‌టి వ‌ర‌కు ఎప్పుడూ చేయ‌ని స‌రికొత్త పాత్ర‌లో రామ్ క‌నిపించ‌బోతున్నాడు. రామ్ ఇందులో పోలీస్ ఆఫీస‌ర్ గా క‌నిపించ‌నున్నాడు. ఉప్పెన ఫేమ్ కృతి శెట్టి ఆయ‌న స‌ర‌స‌న‌ హీరోయిన్‌గా న‌టిస్తుంది.