Varanasi Movie | ‘దేవర’ సెట్స్‌లో మహేష్ ‘వారణాసి’: రాజమౌళి మాస్టర్ ప్లాన్!

Varanasi Movie | సూపర్‌స్టార్ మహేష్ బాబు మరియు దర్శక ధీరుడు రాజమౌళి కాంబినేషన్‌లో రాబోతున్న‌ 'వారణాసి' (Varanasi) సినిమాపై రోజురోజుకు అంచ‌నాలు పెరుగుతున్న విష‌యం తెలిసిందే.

Varanasi Movie | సూపర్‌స్టార్ మహేష్ బాబు మరియు దర్శక ధీరుడు రాజమౌళి కాంబినేషన్‌లో రాబోతున్న‌ ‘వారణాసి’ (Varanasi) సినిమాపై రోజురోజుకు అంచ‌నాలు పెరుగుతున్న విష‌యం తెలిసిందే. ఈ నేప‌థ్యంలోనే ఈ సినిమాకు సంబంధించి ఒక ఆసక్తికరమైన అప్‌డేట్ ఫిలిం నగర్ వర్గాల్లో చక్కర్లు కొడుతోంది. తాజా సమాచారం ప్రకారం వార‌ణాసి టీమ్ ప్రస్తుతం జూనియర్ ఎన్టీఆర్ ‘దేవర’ సినిమా కోసం వాడిన టెక్నికల్ బ్యాక్‌డ్రాప్‌ను (ప్రత్యేకంగా అండర్ వాటర్/వాటర్ సెట్స్) వినియోగించ‌బోతున్న‌ట్లు తెలుస్తుంది.

‘దేవర’ సినిమాలోని సముద్రపు సన్నివేశాల కోసం హైదరాబాద్‌లోని శంషాబాద్ వద్ద భారీ వాటర్ ట్యాంక్ సెట్‌ను, బ్లూ మ్యాట్ (Blue Matte) టెక్నాలజీతో రూపొందించారు. ఇప్పుడు అదే సెట్‌ను ‘వారణాసి’లో గంగా నది నేపథ్యంలో వచ్చే కీలక సన్నివేశాల కోసం రీ-డిజైన్ చేసి వాడుతున్నట్లు తెలుస్తోంది. నిజానికి ఈ షెడ్యూల్ విదేశాల్లో జరగాల్సి ఉంది. కానీ ప్రస్తుతం మధ్యప్రాచ్యంలో నెలకొన్న ఉద్రిక్తతల వల్ల అంతర్జాతీయ ప్రయాణాలు రిస్క్ అని భావించిన రాజమౌళి, తెలివిగా ప్లాన్ మార్చి హైదరాబాద్‌లోనే షూటింగ్ కొనసాగిస్తున్నారు. ఈ సెట్‌లో మహేష్ బాబుపై భారీ రివర్ ఛేజ్ మరియు కొన్ని హై-టెక్ యాక్షన్ సీక్వెన్స్‌లను చిత్రీకరిస్తున్నట్లు సమాచారం. ‘దేవర’లో వాడిన అడ్వాన్స్‌డ్ సినిమాటోగ్రఫీ టెక్నిక్స్ మరియు వాటర్ షూట్ ఎక్స్‌పర్టీస్‌ను ఈ షెడ్యూల్ కోసం ఉపయోగిస్తున్న‌ట్లు స‌మాచారం. అయితే దీనిపై చిత్ర‌యూనిట్ కానీ, దేవ‌ర టీమ్ కానీ ఎటువంటి ప్ర‌క‌ట‌న చేయ‌లేదు.