Visit:
సుకుమార్ రైటింగ్స్, బన్నీ వాస్ వర్క్స్ పతాకాలపై రానున్న తెలంగాణ నేపథ్య కుటుంబకథా చిత్రం ‘ఇడుపు కాయితం’. ప్రియదర్శి హీరోగా, తెలంగాణ జానపద గీతాల ద్వారా పేరు తెచ్చుకున్న నాగదుర్గ కథానాయికగా నటిస్తున్న చిత్రానికి వంశీరెడ్డి దొండపాటి దర్శకుడు. బన్నీ వాస్ నిర్మాత. మంగళవారం హీరో ప్రియదర్శి పుట్టినరోజు సందర్భంగా ఆయనకు శుభాకాంక్షలు తెలుపుతూ ‘ఇడుపు కాయితం’ సినిమా నుంచి తొలి పాట ప్రోమోను మేకర్స్ రిలీజ్ చేశారు.
‘ఓ శ్రీలత శ్రీలత శ్రీలత.. నువ్వు సిన్నబోకే నా శ్రీలత.. శ్రీలత శ్రీలత శ్రీలత ఈ శ్రీనివాసుడే నీ జత..’ అంటూ ఈ పాట సాగింది. కొత్తగా పెళ్లయిన జంట శ్రీలత, శ్రీనివాస్ మధ్య వచ్చే రొమాంటిక్ సాంగ్గా ఈ పాటను చిత్రీకరించినట్టు ప్రోమో చెబుతున్నది. సురేష్ బొబ్బిలి సంగీత దర్శకుడు. ప్రస్తుతం రెగ్యులర్ షూటింగ్ జరుపుకుంటున్న ఈ చిత్రాన్ని డిసెంబర్ ఫస్ట్ వీక్లో విడుదల చేయనున్నట్టు మేకర్స్ తెలిపారు. శివజ్యోతి, సుజాత, చంద్రవ్వ, మౌనికరెడ్డి, రచ్చరవి, బిత్తిరి సత్తి, తదితరులు ఇతరపాత్రలు పోషిస్తున్న ఈ చిత్రానికి కెమెరా: ఎంఎన్ బాల్రెడ్డి.
