వేసవిలో వినోదాల జల్లు

‘అక్కడ అమ్మాయి ఇక్కడ అబ్బాయి’ చిత్రం ద్వారా దర్శకులుగా పరిచయమవుతున్నారు దర్శకద్వయం నితిన్‌-భరత్‌. యాంకర్‌ ప్రదీప్‌ మాచిరాజు, దీపికా పిల్లి జంటగా నటిస్తున్న ఈ చిత్రం ఈ నెల 11న ప్రేక్షకుల ముందుకురానుంది. ఈ సందర్భంగా బుధవారం దర్శకులిద్దరూ విలేకరులతో ముచ్చటించారు. తాము బుల్లితెరపై డిఫరెంట్‌ షోస్‌ చేశామని, అప్పటి నుంచే ప్రదీప్‌తో పరిచయం ఉందని చెప్పారు.

‘అక్కడ అమ్మాయి ఇక్కడ అబ్బాయి’ చిత్రం ద్వారా దర్శకులుగా పరిచయమవుతున్నారు దర్శకద్వయం నితిన్‌-భరత్‌. యాంకర్‌ ప్రదీప్‌ మాచిరాజు, దీపికా పిల్లి జంటగా నటిస్తున్న ఈ చిత్రం ఈ నెల 11న ప్రేక్షకుల ముందుకురానుంది. ఈ సందర్భంగా బుధవారం దర్శకులిద్దరూ విలేకరులతో ముచ్చటించారు. తాము బుల్లితెరపై డిఫరెంట్‌ షోస్‌ చేశామని, అప్పటి నుంచే ప్రదీప్‌తో పరిచయం ఉందని చెప్పారు. ‘అక్కడ అమ్మాయి ఇక్కడ అబ్బాయి’ ఫీల్‌గుడ్‌ రొమాంటిక్‌ ఎంటర్‌టైనర్‌ అని, గ్రామీణ నేపథ్యంలో చక్కటి హాస్యంతో మెప్పిస్తుందని అన్నారు. ఈ సినిమాలో కామెడీ చాలా సహజంగా ఉంటుందని, బ్రహ్మానందం..సత్య పాత్రలు కడుపుబ్బా నవ్విస్తాయని తెలిపారు. అగ్ర నిర్మాణ సంస్థ మైత్రీ మూవీ మేకర్స్‌కు ఈ సినిమా బాగా నచ్చిందని, వేసవి రిలీజ్‌ బాగుంటుందని వారే సలహా ఇచ్చారని, ఫ్యామిలీ అంతా కలిసి చూసే పర్‌ఫెక్ట్‌ ఎంటర్‌టైనర్‌ ఇదని చెప్పారు. ‘మైత్రీ మూవీ మేకర్స్‌ వంటి టాప్‌ ప్రొడక్షన్‌ హౌజ్‌ ఈ సినిమాను విడుదల చేయడం ఆనందంగా ఉంది. రథన్‌ మ్యూజిక్‌ ప్రధానాకర్షణగా నిలుస్తుంది. ఈ సినిమా రిలీజ్‌ తర్వాతే మరో సినిమా డైరెక్షన్‌ గురించి ఆలోచిస్తాం. కొన్ని కథలైతే సిద్ధంగా ఉన్నాయి’ అని నితిన్‌-భరత్‌ పేర్కొన్నారు.