నిశ్శబ్ద విధ్వంసం

సాధారణంగా స్టార్‌ హీరోల ఇంట్రోస్‌ అంటే తెరపై ఓ రేంజ్‌ హంగామానే సృష్టిస్తారు దర్శకులు. భారీ డీజే సౌండ్ల మధ్య, రౌడీల హాహాకారాల మధ్య హీరో తెరపై ఎంట్రీ ఇస్తాడు. అంతే అభిమానుల్లో పూనకాలు మొదలవుతాయి. కానీ దర్శకుడు సందీప్‌రెడ్డి వంగా శైలి ప్రత్యేకం.

సాధారణంగా స్టార్‌ హీరోల ఇంట్రోస్‌ అంటే తెరపై ఓ రేంజ్‌ హంగామానే సృష్టిస్తారు దర్శకులు. భారీ డీజే సౌండ్ల మధ్య, రౌడీల హాహాకారాల మధ్య హీరో తెరపై ఎంట్రీ ఇస్తాడు. అంతే అభిమానుల్లో పూనకాలు మొదలవుతాయి. కానీ దర్శకుడు సందీప్‌రెడ్డి వంగా శైలి ప్రత్యేకం. ‘స్పిరిట్‌’లో ప్రభాస్‌ ఎంట్రీని ఆయన చాలా భిన్నంగా ప్లాన్‌ చేసినట్టు ఇన్‌సైడ్‌ టాక్‌. సెంట్రల్‌ జైల్లో ఉన్నట్టుండి గందరగోళం చెలరేగడం.. ఖైదీలందరూ నియంత్రణ కోల్పోవడం.. పోలీసులు సైతం పరిస్థితిని అదుపు చేయలేకపోవడం.. ఈ విధ్వంసం మధ్య నిశ్శబ్దంగా ఓ హిందీ క్లాసిక్‌ సాంగ్‌ వింటూ సైలెంట్‌గా, సైకోటిక్‌గా ప్రభాస్‌ ఎంట్రీ ఇస్తారట.

అయితే.. ఈ సన్నివేశంలో ప్రభాస్‌ని వెంటనే రివీల్‌ చేయకుండా, ఖైదీల కళ్లలో కనిపించే భయం ద్వారా ప్రభాస్‌ పాత్రకు ఎలివేషన్‌ ఇస్తూ, నిదానంగా ప్రభాస్‌ని రివీల్‌ చేస్తారట. ప్రభాస్‌ కెరీర్‌లోనే ప్రత్యేకంగా చెప్పుకునేలా ఈ ఇంట్రడక్షన్‌ ఉంటుందని వినికిడి. త్రిప్తి డిమ్రీ కథానాయికగా నటిస్తున్న ఈ పాన్‌ ఇండియా చిత్రం వచ్చే ఏడాది మార్చి 5న ప్రపంచవ్యాప్తంగా విడుదల కానున్నది. సీనియర్‌ నటి కాంచన, వివేక్‌ ఒబెరాయ్‌, ప్రకాశ్‌రాజ్‌ ఇందులో కీలక పాత్రధారులు. ఈ చిత్రానికి సంగీతం: హర్షవర్ధన్‌ రామేశ్వర్‌, నిర్మాణం: టి-సిరీస్‌, భద్రకాళి పిక్చర్స్‌.