మాస్‌ పాటలో…

కన్నడ హీరో కిచ్చా సుదీప్‌ నటిస్తున్న పాన్‌ ఇండియా సినిమా ‘విక్రాంత్‌ రోణ’. జాక్వెలైన్‌ ఫెర్నాండేజ్‌, నిరూప్‌ భండారి, నీతా అశోక్‌ ఇతర ముఖ్య పాత్రల్లో నటిస్తున్నారు. ఈ చిత్రాన్ని జీ స్టూడియోస్‌ సమర్పణలో శాలిని ఆర్ట్స్‌ బ్యానర్‌పై శాలిని మంజునాథ్‌, జాక్‌ మంజునాథ్‌ నిర్మించారు. త్రీడీ ఫార్మేట్‌లో దర్శకుడు అనూప్‌ భండారి రూపొందిస్తున్నారు. జూలై 28న ఈ సినిమా విడుదలకు సిద్ధమవుతున్నది.

తాజాగా ఈ చిత్రం నుంచి ‘రా రా రాక్కమ్మా…’ అనే లిరికల్‌ పాటను విడుదల చేశారు. బి.అజనీష్‌ లోకనాథ్‌ స్వరపర్చిన ఈ పాటకు రామజోగయ్య శాస్త్రి సాహిత్యాన్ని అందించగా..మంగ్లీ, నకాష్‌ అజీజ్‌ ఆలపించారు. మిస్టరీ థ్రిల్లర్‌గా తెరకెక్కిన ఈ సినిమాలో మాస్‌ బీట్‌తో సాగే ఈ పాట ఆకర్షణ అవుతుందని చిత్ర బృందం చెబుతున్నారు.