Bro Movie | సీరియల్ ఆర్టిస్ట్ గా కెరీర్ ప్రారంభించి.. ఆ తర్వాత నటుడిగా, దర్శకుడిగా తమిళంలో తిరుగులేని గుర్తింపు తెచ్చుకున్నాడు. ఈ మధ్య తెలుగులోనూ బ్యాక్ టు బ్యాక్ సినిమాల్లో కనిపిస్తున్నాడు. ప్రస్తుతం ఆయన పవన్ కళ్యాణ్ బ్రో సినిమాకు దర్శకత్వం వహిస్తున్నాడు. సాయి ధరమ్ తేజ్ దర్శకత్వం వహిస్తున్న ఈ సినిమా షూటింగ్ పూర్తి చేసుకుని ప్రస్తుతం ప్రీ ప్రొడక్షన్ పనులు జరుపుకుంటుంది. జూలై 28న విడుదల కాబోతున్న ఈ సినిమాపై అందరిలోనూ అమితాసక్తి నెలకొంది. దానికితోడు ఇటవలే రిలీజైన ఫస్ట లుక్ పోస్టర్ కు తిరుగులేని రెస్పాన్స్ వచ్చింది.
ఇక ఇదిలా ఉంటే తాజాగా సముద్రఖని ఈ సినిమా గురించి పలు ఆసక్తికర విషయాలు వెల్లడించాడు. త్వరలోనే టీజర్ ను విడుదల చేసే ప్లాన్ లో ఉన్నట్లు తెలిపాడు. ఇప్పటికే టీజర్ కట్ కు సంబంధించిన పనులు స్టార్ట్ చేసినట్లు వెల్లడించాడు. అంతేకాకుండా ఫస్ట్ ఆఫ్ కు సంబంధించిన డబ్బింగ్ పనులు పూర్తయ్యాయని, సెకండ్ ఆఫ్ డబ్బింగ్ పనులు త్వరలోనే స్టార్ట్ చేస్తున్నట్లు తెలిపాడు. ఇక పవన్ కళ్యాణ్ తో రెండవ సినిమా చేస్తారా అని యాంకర్ ప్రశ్నకు.. పవన్ కళ్యాణ్ గారితో వంద సినిమాలు చేయడానికైనా రెడీగా ఉన్నా అంటూ చెప్పుకొచ్చాడు. నా దగ్గర చాలా కథలున్నాయని, ఆయన నుంచి పిలుపు రావడమే ఆలస్యం.. సినిమా చేసేందుకు నేను రెడీగా ఉంటానని తెలిపాడు.
సాయిధరమ్ తేజ్ మరో ప్రధాన హీరోగా నటిస్తున్న ఈ సినిమా తమిళంలో సూపర్ హిట్టయిన వినోదయ సిత్తం రీమేక్ గా తెరకెక్కుతుంది. ఒక యాక్సిడెంట్లో చనిపోయిన ఓ వ్యక్తి.. తాను చేయాల్సిన పనులు కొన్ని ఉన్నాయని, దానికి మూడు నెలలు సమయం కావాలని తననీ పైకి తీసుకెళ్లడానికి వచ్చిన దేవుడిని ఓ వరం అడుగుతాడు. దానికి దేవుడు ఒప్పుకోవడమే కాకుండా ఆ మూడు నెలలు ఇక్కడే ఉండి ఆ వ్యక్తితో ప్రయాణిస్తాడు. ఆ తర్వాత ఏం జరిగింది? చనిపోయిన వ్యక్తి తాను అనుకున్న పనులను పూర్తి చేశాడా? అనే కథాంశంతో సాగుతుంది. త్రివిక్రమ్ తెలుగు నేటివిటీకి తగ్గట్లు పలు మార్పులు చేర్పులు చేస్తున్నాడు. థమన్ సంగీతం అందిస్తున్న ఈ సినిమాను పీపుల్ మీడియా సంస్థ నిర్మిస్తుంది.