Niharika | పరస్పర అంగీకారంతోనే విడిపోయాం : నిహారిక కొణిదెల

నటుడు నాగబాబు కుమార్తె నటి, నిర్మాత నిహారిక కొణిదెల, చైతన్య జొన్నలగడ్డతో తన వివాహా బంధానికి ముగింపు పలుకుతూ విడాకులు తీసుకున్న సంగతి తెలిసిందే. ఇటీవల ఫ్యామిలీ కోర్టు ద్వారా విడాకులు పొందిన ఈ జంట గత కొంతకాలంగా విడి విడిగా వుంటున్నారు.

నటుడు నాగబాబు కుమార్తె నటి, నిర్మాత నిహారిక కొణిదెల, చైతన్య జొన్నలగడ్డతో తన వివాహా బంధానికి ముగింపు పలుకుతూ విడాకులు తీసుకున్న సంగతి తెలిసిందే. ఇటీవల ఫ్యామిలీ కోర్టు ద్వారా విడాకులు పొందిన ఈ జంట గత కొంతకాలంగా విడి విడిగా వుంటున్నారు. అయితే విడాకులపై తొలిసారిగా నిహారిక కొణిదెల ఇన్‌స్టా వేదికగా ఓ నోట్‌ విడుదల చేశారు. ‘నేను చైతన్య పరస్పర అంగీకారంతోనే వివాహ బంధానికి వీడ్కోలు చెప్పాలని నిర్ణయించుకున్నాం.

ఈ పరిస్థితుల్లో నా వెన్నంటి ఉండి, నాకు ఎంతో సపోర్ట్‌ ఇచ్చిన నా కుటుంబ సభ్యులకు, సన్నిహితులకు, స్నేహితులకు ధన్యవాదాలు. ఈ పరిణామాల తరువాత మా జీవితాల్లో మేం ముందుకు వెళ్లడానికి మాకు కొంత ప్రైవసీ ఇవ్వాలని అందరినీ కోరుకుంటున్నాం. నన్ను అర్థం చేసుకున్నందుకు అందరికీ ధన్యవాదాలు’ అని ఆ నోట్‌లో తెలిపారు నిహారిక. చైతన్య కూడా ఇన్‌స్టా వేదికగా విడాకుల గురించి అధికారికంగా తెలియజేశాడు. పరస్పర అంగీకారంతోనే విడాకులు తీసుకున్నామని, వ్యక్తిగత జీవితానికి సంబంధించిన ఈ విషయంలో ప్రైవసీ ఇవ్వాలని కోరారు.