హృదయానికి దగ్గరైన చిత్రం

అగ్ర కథానాయిక నయనతార నటించిన తాజా తమిళ చిత్రం ‘మూకుత్తి అమ్మన్‌-2’ దీపావళికి ప్రేక్షకుల ముందుకురానుంది. సుందర్‌ సి దర్శకత్వంలో రూపొందిన ఈ చిత్రంలో రెజీనా, ఖుష్బూ, స్నేహ, ఊర్వశి, యోగిబాబు ప్రధాన పాత్రల్ని పోషించారు.

అగ్ర కథానాయిక నయనతార నటించిన తాజా తమిళ చిత్రం ‘మూకుత్తి అమ్మన్‌-2’ దీపావళికి ప్రేక్షకుల ముందుకురానుంది. సుందర్‌ సి దర్శకత్వంలో రూపొందిన ఈ చిత్రంలో రెజీనా, ఖుష్బూ, స్నేహ, ఊర్వశి, యోగిబాబు ప్రధాన పాత్రల్ని పోషించారు. 2020లో విడుదలై విజయవంతమైన ‘మూకుత్తి అమ్మన్‌’కు సీక్వెల్‌ ఇది. ఈ సినిమాలో నయనతార అమ్మవారి పాత్రలో కనిపించనుంది. ఈ సినిమా రిలీజ్‌ సందర్భంగా నయనతార సోషల్‌మీడియాలో ఓ భావోద్వేగభరితమైన పోస్ట్‌ను పంచుకుంది.

‘ఈ సినిమా నా హృదయానికి ఎంతో దగ్గరైంది. దర్శకుడు సుందర్‌ సి నా ఆలోచనలు, అభిరుచికి అద్దం పట్టేలా అద్భుతంగా చిత్రాన్ని తీర్చిదిద్దారు. ఈ సినిమా ప్రయాణంలో ప్రతీ అడుగు అర్థవంతంగా అనిపించింది. నటిగా, వ్యక్తిగతంగా ఎంతో సంతృప్తినిచ్చిన చిత్రంగా నిలిచిపోతుంది’ అని నయనతార తన పోస్ట్‌లో పేర్కొన్నది. తొలిభాగానికి ఆర్‌జే బాలాజీ దర్శకత్వం వహించిన..సీక్వెల్‌ బాధ్యతలను సుందర్‌ సి చేపట్టారు.