Visit:
నారా రోహిత్‌ కథానాయకుడిగా రూపొందుతున్న రొమాంటిక్‌ ఎంటైర్టెనర్‌ ‘సుందరకాండ’. వెంకటేశ్‌ నిమ్మలపూడి దర్శకుడు. సంతోష్‌ చిన్నపొల్ల, గౌతమ్‌రెడ్డి, రాజేష్‌ మహంకాళి నిర్మాతలు. ఈ నెల 27న సినిమా విడుదల కానుంది. ప్రమోషన్‌లో భాగంగా ఈ సినిమా నుంచి పాటను మేకర్స్‌ విడుదల చేశారు. ‘ప్లీజ్‌ మేమ్‌..’ అంటూ సాగే ఈ పాటను శ్రీహర్ష ఈమని రాయగా, లియోన్‌ జేమ్స్‌ స్వరపరిచారు. అర్జున్‌ చాందీ, దీపక్‌ బ్లూ, అరవింద్‌ శ్రీనివాస్‌, సాయిశరణ్‌, రేష్మా శ్యామ్‌, హరిప్రియా, లవితా లోబో కలిసి ఈ పాటను ఆలపించారు.
కథానాయిక శ్రీదేవిని ఇంప్రస్‌ చేసేందుకు హీరో తన ఫ్రెండ్స్‌తో కలిసి చేసే ప్రయత్నమే ఈ పాట. విశ్వరఘు కొరియోగ్రఫీ ఈ పాటకు హైలైట్‌. వృతి వాఘాని మరో కథానాయికగా నటిస్తున్న ఈ చిత్రంలో నరేష్‌, వాసుకి ఆనంద్‌, సత్య, అజయ్‌, వీటీవీ గణేశ్‌, అభినవ్‌ గోమటం, విశ్వంత్‌, రూపలక్ష్మి, సునైనా, రఘుబాబు ఇతర పాత్రధారులు. ఈ చిత్రానికి కెమెరా: ప్రదీప్‌ ఎం.వర్మ, నిర్మాణం: సందీప్‌ పిక్చర్‌ ప్యాలెస్‌.
