Balakrishna | ‘జైలర్‌-2’లో గెస్ట్‌రోల్‌లో కనిపించనున్న బాలకృష్ణ..

సూపర్‌స్టార్‌ రజనీకాంత్‌ కథానాయకుడిగా నెల్సన్‌ దిలీప్‌ కుమార్‌ దర్శకత్వంలో రూపొందిన ‘జైలర్‌' చిత్రం భారీ విజయాన్ని సాధించిన విషయం తెలిసిందే. బాక్సాఫీస్‌ వద్ద ఈ చిత్రం 500కోట్ల వసూళ్లను రాబట్టింది. ప్రస్తుతం ఈ చిత్రానికి సీక్వెల్‌ను తీయబోతున్నారు. అందుకోసం స్క్రిప్ట్‌ను సిద్ధం చేసే పనిలో ఉన్నారు దర్శకుడు నెల్సన్‌ దిలీప్‌ కుమార్‌.

Balakrishna |సూపర్‌స్టార్‌ రజనీకాంత్‌ కథానాయకుడిగా నెల్సన్‌ దిలీప్‌ కుమార్‌ దర్శకత్వంలో రూపొందిన ‘జైలర్‌’ చిత్రం భారీ విజయాన్ని సాధించిన విషయం తెలిసిందే. బాక్సాఫీస్‌ వద్ద ఈ చిత్రం 500కోట్ల వసూళ్లను రాబట్టింది. ప్రస్తుతం ఈ చిత్రానికి సీక్వెల్‌ను తీయబోతున్నారు. అందుకోసం స్క్రిప్ట్‌ను సిద్ధం చేసే పనిలో ఉన్నారు దర్శకుడు నెల్సన్‌ దిలీప్‌ కుమార్‌. తాజా సమాచారం ప్రకారం ఈ సీక్వెల్‌లో అగ్ర హీరో బాలకృష్ణ కీలకమైన అతిథి పాత్రలో నటించబోతున్నారని తెలిసింది.

గ్యాంగ్‌స్టర్‌గా ఆయన పాత్ర కథాగమనంలో కీలకంగా ఉంటుందని చెబుతున్నారు. తొలిభాగంలో మోహన్‌లాల్‌, శివరాజ్‌కుమార్‌ అతిథి పాత్రల్లో మెరిశారు. వారి పాత్రలకు మంచి ప్రశంసలు లభించాయి. ఈ నేపథ్యంలో సీక్వెల్‌లో బాలకృష్ణ గెస్ట్‌రోల్‌లో కనిపించనుండటం ప్రాధాన్యతను సంతరించుకుంది. ప్రస్తుతం బాలకృష్ణ తన 109వ చిత్రంలో నటిస్తున్నారు. బాబీ దర్శకత్వం వహిస్తున్న ఈ చిత్రాన్ని సితార ఎంటర్‌టైన్‌మెంట్‌ సంస్థ నిర్మిస్తున్నది.