Lucifer-2 Movie | సినిమాకు సీక్వెల్ తెరకెక్కుతుందంటే ఆడియెన్స్లో ఉండే అటెన్షన్ వేరు. అయితే అటెన్షన్ను బ్యాలెన్స్ చేయడంలో చాలా సీక్వెల్స్ తడబడ్డాయి. ఒపెనింగ్స్ వరకు టైటిల్ పేరు పనికొస్తుంది కానీ.. లోపల మ్యాటర్ లేకపోతే సీక్వెల్కు కూడా తిప్పలు తప్పవు. కానీ ఈ సీక్వెల్ అలా కాదు, అసలు సీక్వెల్ అంటే ఏంటో చూపిస్తాం అంటూ వస్తుంది లూసీఫర్-2. నాలుగేళ్ల కిందట వచ్చిన లూసిఫర్ మలయాళంలో పెద్ద బ్లాక్ బస్టర్. మమ్ముట్టి కెరీర్లో హైయెస్ట్ కలెక్షన్లు సాధించిన సినిమాగా నిలిచింది. ఇదే సినిమాను తెలుగులో చిరు గాడ్ఫాదర్గా రీమేక్ చేయగా.. ఇక్కడ బెడిసి కొట్టింది.
పొలికల్ యాక్షన్ థ్రిల్లర్ నేపథ్యంలో తెరకెక్కిన ఈ సినిమాకు మలయాళ స్టార్ హీరో పృథ్విరాజ్ సుకుమార్ దర్శకత్వం వహించాడు. అంతేకాకుండా ఆయనకది డైరెక్టర్గా డెబ్యూ సినిమా. తొలి సినిమాకే అలాంటి క్రిటికల్ సబ్జెక్ట్ ఎంచుకుని అరి వీర భయంకర హిట్టు కొట్టాడంటే మాములు విషయం కాదు. కాగా ఇప్పుడీ సినిమాకు సీక్వెల్ ముస్తాబవుతుంది. ఇప్పటికే అనౌన్స్మెంట్ రాగా.. తాజాగా మేకర్స్ సినిమా షూటింగ్ అప్డేట్ను వెల్లడించారు. అక్టోబర్ 5 నుంచి ఈ సినిమా షూటింగ్ స్టార్ట్ కాబోతున్నట్లు ఓ స్పెషల్ వీడియోను రిలీజ్ చేసింది. తొలిపార్టులోని కొన్ని సీన్లును యాడ్ చేసి ట్రైలర్గా తీర్చి దిద్ది చివర్లో పార్ట్-2 అంటూ వెల్లడించారు.
పృథ్విరాజ్కు దర్శకుడిగా ఇది మూడో సినిమా. మూడు సినిమాల్లో మోహన్లాల్ ప్రధాన హీరోగా ఉండటం విశేషం. ఇక ఈ సీక్వెల్ సినిమాను డబ్బును మంచి నీళ్ళలా ఖర్చు పెట్టే లైకా సంస్థ టేకోవర్ చేసుకుంది. దాంటో అటు తమిళంలో కూడా ఈ సినిమాపై మంచి హైప్ వచ్చింది. వీలైనంత త్వరగా షూటింగ్ను పూర్తి చేసి వచ్చే ఏడాది పాన్ ఇండియా లెవల్లో సినిమాను రిలీజ్ చేయాలని మేకర్స్ సన్నాహాలు చేస్తున్నారు.