Lucifer 2 Empuraan | మలయాళీ సూపర్ స్టార్ మోహన్ లాల్ (Mohan Lal), మంజు వారియర్ (Manju Warrier), వివేక్ ఒబెరాయ్ (Vivek Oberai), టోవినో థామస్(Tovino Thomas), ప్రధాన పాత్రల్లో వచ్చిన చిత్రం లుసిఫర్ (Lucifer). ఈ సినిమాకు మలయాళీ నటుడు పృథ్వీరాజ్ సుకుమారన్ (Prithviraj Sukumaran) దర్శకత్వం వహించాడు. పొలిటికల్ డ్రామాగా తెరకెక్కిన ఈ చిత్రం 2019 కేరళలో బిగ్గెస్టు బ్లాక్ బస్టర్గా నిలిచింది. ఇక ఇదే సినిమాను మెగాస్టార్ చిరంజీవి (Megastar Chiranjeevi) గాడ్ ఫాదర్ (God Father) పేరుతో తెలుగులో రీమేక్ చేశాడు. తెలగులో కూడా ఈ సినిమా మంచి విజయాన్ని నమోదు చేసుకుంది. కాగా ఈ చిత్రం నుంచి సీక్వెల్ వస్తున్నట్లు మేకర్స్ ప్రకటించిన విషయం తెలిసిందే. లుసిఫర్ 2 ఎంపురాన్ (Lucifer 2 Empuraan) అనే టైటిల్తో ఈ సినిమా రానుండగా.. ప్రస్తుతం ఈ మూవీ శరవేగంగా షూటింగ్ జరుపుకుంటుంది. ఇదిలా ఉంటే దీపావళి కానుకగా ఈ మూవీ నుంచి మేకర్స్ సాలిడ్ అప్డేట్ను ఇచ్చారు.
ఈ మూవీ నుంచి మేకర్స్ ఫస్ట్ లుక్ విడుదల చేశారు, ఇక ఫస్ట్ లుక్ గమనిస్తే.. గ్యాంగ్ స్టర్గా గన్ పట్టుకుని మోహన్ లాల్ హెలికాప్టర్ వైపు చూస్తున్నట్లు ఫుల్ యాక్షన్ మోడ్లో ఉంది. ఇక సీక్వెల్కు కూడా పృథ్వీరాజ్ సుకుమారన్ దర్శకత్వం చేయనుండగా మురళి గోపి స్టోరీ అందిస్తున్నాడు. కాగా ఇందులో సూపర్ స్టార్ మోహన్ లాల్ మరింత స్టైలిష్గా కనిపించనున్నట్లు టాక్.
ఇదిలా ఉంటే.. పృథ్విరాజ్కు దర్శకుడిగా ఇది మూడో సినిమా. మూడు సినిమాల్లో మోహన్లాల్ ప్రధాన హీరోగా ఉండటం విశేషం. ఇక ఈ సీక్వెల్ సినిమాను డబ్బును మంచి నీళ్ళలా ఖర్చు పెట్టే లైకా సంస్థ టేకోవర్ చేసుకుంది. దాంతో అటు తమిళంలో కూడా ఈ సినిమాపై మంచి హైప్ వచ్చింది. వీలైనంత త్వరగా షూటింగ్ను పూర్తి చేసి వచ్చే ఏడాది పాన్ ఇండియా లెవల్లో సినిమాను రిలీజ్ చేయాలని మేకర్స్ సన్నాహాలు చేస్తున్నారు.
#L2E – EMPURAAN First Look #L2E1stLook #Empuraan
Malayalam | Tamil | Telugu | Kannada | Hindi
@PrithviOfficial #muraligopy @antonypbvr @aashirvadcine @Subaskaran_A @LycaProductions @gkmtamilkumaran @prithvirajprod… pic.twitter.com/x7W25EPhqC— Mohanlal (@Mohanlal) November 11, 2023