Sapathami Gowda | బంపర్‌ ఆఫర్‌ కొట్టేసిన కాంతార హీరోయిన్‌.. స్టార్‌ దర్శకుడి సినిమాలో అవకాశం..!

సినీ రంగంలో కథానాయికలకు మంచి గుర్తింపు రావడానికి చాలా సమయమే పడుతుంది. అయితే కొందరి విషయంలో మాత్రం ఒకటి, రెండు సినిమాలతో ఎక్కడలేని పాపులారాటీ తెచ్చుకుంటారు. అలాంటి వారిలో సప్తమీ గౌడ ఒకరు.

Actress Sapathami Gowda | సినీ రంగంలో కథానాయికలకు మంచి గుర్తింపు రావడానికి చాలా సమయమే పడుతుంది. అయితే కొందరి విషయంలో మాత్రం ఒకటి, రెండు సినిమాలతో ఎక్కడలేని పాపులారిటీ తెచ్చుకుంటారు. అలాంటి వారిలో సప్తమీ గౌడ ఒకరు. ‘పాప్‌ కార్న్‌ మంకీ టైగర్‌’ అనే కన్నడ సినిమాతో ఇండస్ట్రీలోకి ఇచ్చిన ఈ బ్యూటీ మొదటి సినిమాతోనే తన నటనతో కన్నడిగుల దృష్టిని ఆకర్షించింది. ఆ తర్వాత ‘కాంతార’తో ఏకంగా జాతీయ స్థాయిలో గుర్తింపు తెచ్చుకుంది. ఈ సినిమాలో లీల పాత్రలో ఒదిగిపోయింది. అందం, అమాయకత్వం, చలాకీ తనం కలగలిసిన పాత్రలో నటించి అందరి మెప్పు పొందింది. ఈ సినిమాతో సప్తమీ గౌడకు క్రేజ్‌తో పాటు అవకాశాలు కూడా క్యూ కడుతున్నాయి.

కాగా తాజాగా ఈ బ్యూటీకి బంపర్‌ ఆఫర్‌ తగిలింది. ‘ది కాశ్మీరీ ఫైల్స్’ డైరెక్టర్‌ వివేక్‌ అగ్ని హోత్రీ దర్శకత్వం వహిస్తున్న ‘ది వాక్సిన్‌ వార్‌’ సినిమాలో ఈ అమ్మడు ఎంపికైంది. ఇక ఈ సినిమాలోని ఓ కీలకపాత్ర కోసం సప్తమీ గౌడను మేకర్స్‌ ఎంపిక చేసుకున్నట్లు తెలుస్తుంది. అనుపమ్‌ ఖేర్‌, నానా పటేఖర్‌ ప్రధాన పాత్రల్లో నటిస్తున్న ఈ సినిమా ప్రస్తుతం షూటింగ్‌ జరుపుకుంటుంది. ఇలా మూడో సినిమాకే సప్తమీకి బాలీవుడ్‌ ఆఫర్‌ వరించడం విశేషమనే చెప్పాలి. ఈ సినిమాతో కన్నడ బ్యూటీ క్రేజ్‌ మరింత పెరుగుతుందని ప్రేక్షకులు భావిస్తున్నారు. దీనితో పాటు సప్తమీ గౌడ ఓ కన్నడ సినిమాలోనూ నటిస్తుంది.