‘నో’ చెప్పడం నేర్చుకోండి

‘ప్రతిభావంతులైన నటీనటులు రొటీన్‌ కథలకు ‘నో’ చెప్పడం నేర్చుకోవాలి’ అంటున్నారు బాలీవుడ్‌ భామ కంగనా రనౌత్‌. ఇటీవల ఓ ఇంటర్వ్యూలో ఆసక్తికరమైన విషయాలను ఆమె వెల్లడించారు. ‘నా యాటిట్యూడ్‌ కొందరికి ఇబ్బందిగా ఉంటుంది. నిర్మొహమాటంగా మాట్లాడటం.

‘ప్రతిభావంతులైన నటీనటులు రొటీన్‌ కథలకు ‘నో’ చెప్పడం నేర్చుకోవాలి’ అంటున్నారు బాలీవుడ్‌ భామ కంగనా రనౌత్‌. ఇటీవల ఓ ఇంటర్వ్యూలో ఆసక్తికరమైన విషయాలను ఆమె వెల్లడించారు. ‘నా యాటిట్యూడ్‌ కొందరికి ఇబ్బందిగా ఉంటుంది. నిర్మొహమాటంగా మాట్లాడటం. నచ్చని దాన్ని ‘నచ్చలేదు’ అని ముఖం మీదే చెప్పడం చాలామందికి నచ్చదు. కానీ నా ఉద్దేశ్యంలో ‘నో’ చెప్పడం చేతకాని వాళ్లు జీవితాన్ని గెలవలేరు.

ఈ కారణంగా మనం టార్గెట్‌ అయినా.. దక్కాల్సిన అవకాశాలు మనకు దక్కకపోయినా.. చివరికి మాత్రం నిజాయితీనే గెలుస్తుంది. సంఖ్య అనేది ఎప్పటికీ ముఖ్యం కాదు. క్వాలిటీనే ముఖ్యం. మనం చేసిన పాత్రలు కొన్నేళ్లపాటు గుర్తుంటే, మనం ఆటోమేటిగ్గా గుర్తుంటాం. నచ్చని కథల్ని దూరం పెట్టాను కాబట్టే, నేను రెగ్యులర్‌ హీరోయిన్ల లిస్ట్‌లో లేను. అందుకు బాధ లేదు. నాకంటూ జనాల్లో ప్రత్యేకమైన గుర్తింపు ఉంది. అది చాలు’ అన్నారు కంగనా. ప్రస్తుతం ఆమె ‘క్వీన్‌ 2’లో నటిస్తున్న విషయం తెలిసిందే.