Shruti Haasan | అగ్ర కథానాయిక శృతిహాసన్ బహుముఖ ప్రజ్ఞాశాలి. నటనతో పాటు సంగీతం, గానంలో ఆమెకు మంచి ప్రావీణ్యం ఉంది. గతంలో కొన్ని మ్యూజిక్ అల్బమ్స్ వెలువరించిన ఈ భామ తాజాగా మరో ప్రయత్నానికి శ్రీకారం చుట్టింది. అగ్ర దర్శకుడు లోకేష్ కనకరాజ్ నటిస్తున్న ‘ఇనిమెల్’ అనే మ్యూజిక్ వీడియోకు శృతిహాసన్ స్వరాల్ని అందిస్తున్నది.
ఈ వీడియోను ఆమె తండ్రి కమల్హాసన్ నిర్మిస్తుండటం విశేషం. ఈ మ్యూజిక్ వీడియోలో లోకేష్ కనకరాజ్తో పాటు శృతిహసన్ కూడా కనిపించనుంది. ఈ వీడియోకు మ్యూజిక్ అందించడంతో పాటు కాన్సెప్ట్ను కూడా శృతిహాసనే డిజైన్ చేయడం విశేషం. ఈ పాటకు కమల్హాసన్ సాహిత్యాన్ని అందించారు. లోకేష్ కనకరాజ్ దర్శకత్వంలో కమల్హాసన్ ‘విక్రమ్’ వంటి సూపర్హిట్ చిత్రంలో నటించిన విషయం తెలిసిందే. దాదాపు 300కోట్ల వసూళ్లతో ఈ సినిమా రికార్డు సృష్టించింది.