‘చేయాల్సిన ప్రయోగాలన్నీ ముందే చేసేస్తే, కొత్తగా చేయటానికి ఏముంటుంది?’ కమల్హాసన్ కెరీర్ విషయంలో సినీ మేధావుల అభిప్రాయమిది. నిజానికి కమల్ రీసెంట్ బ్లాక్బాస్టర్ ‘విక్రమ్’ కూడా ఆయనకు కొత్త పాత్రేం కాదు. గతంలో అలాంటివి ఎన్నో చేశారాయన. కథ పాతదైనా కొత్తగా చెప్పటం, పాత్ర పాతదైనా కొత్తగా డిజైన్ చేయడం, ఇదే కమల్ విషయంలో దర్శకులు చేయాల్సిన పని. ప్రస్తుతం కమల్ స్క్రిప్ట్పైనే కిందామీదా పడుతున్నాడు దర్శకుడు హెచ్.వినోద్.
తమిళంలో ‘చతురంగ వేైట్టె’ లాంటి విభిన్నమైన సినిమాకు దర్శకత్వం వహించి, కార్తీతో ‘ఖాకీ’ లాంటి విజయాన్ని అందుకున్న వినోద్, త్వరలోనే కమల్హాసన్కి ‘యాక్షన్’ చెప్పనున్నారు. కమల్ డేట్స్ ఇచ్చినప్పట్నుంచీ దాదాపు మూడేళ్లుగా ఈ కథపైనే కసరత్తులు చేస్తున్నారు వినోద్. ఈ లోపు ‘విక్రమ్’ వచ్చేసింది.
మరోవైపు ‘భారతీయుడు-2’ కూడా విడుదలకు రెడీ అయిపోతున్నది. వినోద్ లేట్ చేస్తున్న కారణంగా పాన్ ఇండియా మూవీ ‘కల్కి’కి కమల్ గ్రీన్ సిగ్నల్ ఇచ్చేశాడు. ఆ వెనుకే మణిరత్నం కూడా రెడీగా ఉన్నాడు. అందుకే ఇక ఆలస్యం మంచిదికాదని కథని లాక్ చేసేశాడంట వినోద్.. ‘కల్కి’ తర్వాత కమల్ చేసే సినిమా ఇదేనని టాక్. ‘కమల్ హాసన్గారి కెరీర్లో పూర్తి విభిన్నమైన కథ అని చెప్పను. ఆయన చేయని పాత్ర లేదు. చెప్పని కథలేదు. ఆయన్ని దర్శకత్వం చేయడమంటే యూనివర్సిటీకి పాఠాలు చెప్పటమే. అందుకే తిప్పలు పడుతున్నాను’ అన్నారు దర్శకుడు విజయ్.