Visit:
Keerthy Suresh | కీర్తి సురేశ్ పెళ్లి ఖాయమైందట. తన చిరకాల మిత్రుడితో పెళ్లికి కీర్తి ఓకే చెప్పిందని, గోవా బీచ్‌ లొకేషన్‌లో పెళ్లి వేదికను ఫిక్స్‌ చేశారనీ, బంధుమిత్రుల సమక్షంలో ఈ జంట ఒకటవ్వబోతున్నారని బాలీవుడ్‌ మీడియాలో కథనాలు వెలువడుతున్నాయి. ఇప్పుడు అవే కథనాలు సౌత్‌ మీడియాలోనూ వ్యాపించాయి. నిజానికి ఈ తరహా వార్తలు కీర్తి సురేశ్‌కి కొత్తేం కాదు.
గతంలో సంగీత దర్శకుడు అనిరుథ్‌తో తను ప్రేమలో ఉందని, త్వరలో పెళ్లాడబోతున్నదని కొన్ని కథనాలు సోషల్‌ మీడియాలో చక్కర్లు కొట్టాయి. దుబాయికి చెందిన ఓ వ్యాపారితో పెళ్లి ఖాయమైందని కూడా ప్రచారం జరిగింది. అయితే.. వాటన్నింటినీ కీర్తి సురేశ్ సున్నితంగా ఖండించింది. ఇప్పుడు వినిపిస్తున్న వార్తలపై మాత్రం కీర్తి కానీ, ఆమె కుటుంబసభ్యులు కానీ స్పందించకపోవడం ప్రస్తుతం చర్చనీయాంశమైంది. త్వరలోనే ఈ పెళ్లిని అధికారికంగా ప్రకటిస్తారని కూడా ప్రచారం జరుగుతున్నది. మరి కీర్తి సురేశ్ కుటుంబం నుంచి ఎలాంటి సమాచారం వస్తుందో చూడాలి.
