అతిథి పాత్రలో హరీశ్‌శంకర్‌

ప్రముఖ దర్శకుడు హరీశ్‌శంకర్‌ వెండితెరపై అతిథి పాత్రలో మెరవనున్నారు. ‘ఓ భామ అయ్యో రామ’ చిత్రంలో ఆయన కీలకమైన గెస్ట్‌రోల్‌ను పోషించారు.

ప్రముఖ దర్శకుడు హరీశ్‌శంకర్‌ వెండితెరపై అతిథి పాత్రలో మెరవనున్నారు. ‘ఓ భామ అయ్యో రామ’ చిత్రంలో ఆయన కీలకమైన గెస్ట్‌రోల్‌ను పోషించారు. సుహాస్‌, మాళవిక మనోజ్‌ జంటగా నటిస్తున్న ఈ చిత్రానికి రామ్‌ గోధల దర్శకుడు. హరీశ్‌ నల్ల నిర్మాత. ఈ వేసవిలో సినిమా ప్రేక్షకుల ముందుకురానుంది. ‘హరీశ్‌శంకర్‌ అతిథి పాత్ర అందరిని సర్‌ప్రైజ్‌ చేస్తుంది.

ఈ పాత్ర ఆయన చేస్తేనే బాగుంటుందని భావించాం. హరీశ్‌శంకర్‌కు సంబంధించిన సన్నివేశాలను ఇటీవలే పూర్తి చేశాం. ఆద్యంతం వినోదంతో ఆకట్టుకునే చిత్రమిది’ అని మేకర్స్‌ తెలిపారు. అనితా హసనందిని, అలీ, పృథ్వీరాజ్‌ తదితరులు నటిస్తున్న ఈ చిత్రానికి సంగీతం: రధన్‌, రచన-దర్శకత్వం: రామ్‌ గోధల.