వీరమల్లు కొత్త షెడ్యూల్‌

ప్రస్తుతం అగ్ర హీరో పవన్‌కల్యాణ్‌ చేతినిండా సినిమాలున్నాయి. ‘ఉస్తాద్‌ భగత్‌సింగ్‌' ‘ఓజీ’ చిత్రాల షూటింగ్స్‌ శరవేగంగా జరుగుతున్నాయి. ఇటీవల విడుదల చేసిన ‘ఉస్తాద్‌ భగత్‌సింగ్‌' గ్లింప్స్‌కు భారీ స్పందన లభించింది

ప్రస్తుతం అగ్ర హీరో పవన్‌కల్యాణ్‌ చేతినిండా సినిమాలున్నాయి. ‘ఉస్తాద్‌ భగత్‌సింగ్‌’ ‘ఓజీ’ చిత్రాల షూటింగ్స్‌ శరవేగంగా జరుగుతున్నాయి. ఇటీవల విడుదల చేసిన ‘ఉస్తాద్‌ భగత్‌సింగ్‌’ గ్లింప్స్‌కు భారీ స్పందన లభించింది. ఈ నేపథ్యంలో క్రిష్‌ దర్శకత్వంలో రూపొందిస్తున్న ‘హరిహరవీరమల్లు’ సినిమా అప్‌డేట్‌ కోసం అభిమానులు ఆసక్తిగా ఎదురుచూస్తున్నారు. అనివార్య కారణాల వల్ల ఈ సినిమా తాజా షెడ్యూల్‌ వాయిదా పడిన విషయం తెలిసిందే. జూన్‌ మొదటివారం నుంచి ‘హరిహరవీరమల్లు’ సినిమా కోసం పవన్‌కల్యాణ్‌ డేట్స్‌ కేటాయించారని తెలిసింది. ఈ షెడ్యూల్‌లో భారీ యాక్షన్‌ ఘట్టాలను తెరకెక్కించబోతున్నారని సమాచారం. మొఘల్‌ కాలం నాటి కథాంశంతో ఈ చిత్రాన్ని తెరకెక్కిస్తున్నారు. ఇందులో పవన్‌కల్యాణ్‌ అన్యాయాలపై తిరగబడే బందిపోటు పాత్రలో కనిపించనున్నారు.