నవ్వించడంలో కిక్‌ ఏమిటో తెలిసింది!

“ఎఫ్‌-3’ ట్రైలర్‌కు అద్భుతమైన స్పందన రావడం మా టీమ్‌ అందరికి కొత్త ఉత్సాహాన్నిచ్చింది. ‘ఎఫ్‌-3’లో మూడో ఎఫ్‌కు అర్థమేంటని అడుగుతున్నారు. ఎఫ్‌ ఫర్‌ ఫ్యామిలీ అనుకోవాలి’ అని అన్నారు అనిల్‌ రావిపూడి.

“ఎఫ్‌-3’ ట్రైలర్‌కు అద్భుతమైన స్పందన రావడం మా టీమ్‌ అందరికి కొత్త ఉత్సాహాన్నిచ్చింది. ‘ఎఫ్‌-3’లో మూడో ఎఫ్‌కు అర్థమేంటని అడుగుతున్నారు. ఎఫ్‌ ఫర్‌ ఫ్యామిలీ అనుకోవాలి’ అని అన్నారు అనిల్‌ రావిపూడి. ఆయన దర్శకత్వంలో వెంకటేష్‌, వరుణ్‌తేజ్‌ హీరోలుగా దిల్‌రాజు సమర్పణలో శిరీష్‌ నిర్మించిన ‘ఎఫ్‌-3’ చిత్రం ఈ నెల 27న ప్రేక్షకుల ముందుకురానుంది. ఈ చిత్ర ట్రైలర్‌ సక్సెస్‌ సెలబ్రేషన్స్‌ను సోమవారం నిర్వహించారు. అనిల్‌రావిపూడి మాట్లాడుతూ “ఎఫ్‌-2’ను మించి ఈ సినిమాను ఎంజాయ్‌ చేస్తారు. ‘ఎఫ్‌-2’ రిలీజ్‌ అయినప్పుడు తిరుపతిలోని ఓ థియేటర్‌లో సినిమా చూశా. ఫ్యామిలీస్‌లో అందరూ హాయిగా నవ్వుతూ కనిపించారు. నవ్వించడంలో ఉండే కిక్‌ ఏమిటో అప్పుడే అర్థమైంది.

అందుకే ఈ సినిమా చేశాం. ఇది సక్సెస్‌ అయితే ‘ఎఫ్‌-4’ తీయడానికి కూడా సిద్ధంగా ఉన్నా’ అని చెప్పారు. ‘కోవిడ్‌ తర్వాత నా రెండు చిత్రాలు ఓటీటీలో విడులయ్యాయి. ఈ సినిమాతో మిమ్మల్ని థియేటర్‌లో కలుసుకోవడం ఆనందంగా ఉంది. మీ కుటుంబాలతో కలిసి సినిమాను ఎంజాయ్‌ చేయండి’ అని వెంకటేష్‌ పేర్కొన్నారు. ‘ఎఫ్‌-2’ ప్రాక్టీస్‌ మ్యాచ్‌ అనుకుంటే…ఈ సీక్వెల్‌ మెయిన్‌ మ్యాచ్‌ లాంటిదని..సిక్స్‌ కొడితే బాల్‌ స్టేడియం బయటకు వెళ్తుందని వరుణ్‌తేజ్‌ చెప్పారు. ఈ సినిమాతో వందశాతం నవ్వులు గ్యారెంటీ అని కథానాయికలు తమన్నా, మెహరీన్‌ అన్నారు. ఈ కార్యక్రమంలో చిత్ర యూనిట్‌ సభ్యులందరూ పాల్గొన్నారు.